Mikroiqtisodiyot: amaliy mashg`ulot ishlanmasi I

5. Monopolist mahsulotiga talab funktsiyasi S_D=3000-3P ko’rinishida berilgan. Bu yerda S-yillik ishlab chiqarish hajmi, ming tonna, P-1 tonna mahsulot narxi, dollarda. Atrof muhitni ifloslanishi uchun to’lanadigan xarajatlardan tashqari umumiy xarajat TC=S²-20S+30000 ming dollar bo’lsa:
a) atrof muhit uchun xarajatlar hisobga olinmagan holda, monopolistning maksimal foydasi aniqlansin.
b) atrof muhitni ifloslanishi uchun to’lov 0.4S² ko’rinishida bo’lsa, maksimal foyda hajmi qanday o’zgaradi?
v) atrof muhitni ifloslanishi uchun to’lov KS² ko’rinishida bo’lsa, K ning qanday qiymatlarida monopolist zarar bilan ishlaydi?
6. B tovarga bo’lgan talab mazkur formula ko’rinishida berilgan:
S_D=600-20P
taklif hajmi esa,
S_S=25P-300
Bu yerda S-yillik mahsulot hajmi, ming donada, P-narx ming so’mda. B tovarni sotish, harid qilish, ishlab chiqarish va undan foydalanishda ishtirok etmagan uchinchi shaxsning xarajatlari bir birlik tovar uchun 10 pul birlikni tashkil etadi.
a) B tovarga bo’lgan muvozanat narx va muvozanat hajm aniqlansin.
b) aytaylik ishlab chiqaruvchilar tomonidan uchinchi shaxslarga zarar 4.5 pul birligi hisobida qoplab berildi. SHundan keyingi B tovarga bo’lgan yangi muvozanat narx va yangi muvozanat hajm topilsin.
7. Kimyoviy mahsulotlar ishlab chiqaradigan zavodning musbat tashqi samarasi funktsiyasi atrof muhitni ifloslantirish uchun to’lovlardan tashqari TSB=200S-5S² ko’rinishga ega. Atrof muhit uchun va boshqa bir qancha xarajatlar TPC=20S+S² ga teng. Zavodning tabiat va jamiyatga keltiradigan yalpi zarari funktsiyasi TEC=10S+1.5S² ko’rinishida berilgan bo’lsa:
a) narx va mahsulot hajmi topilsin;
b) manfiy tashqi samaradan yalpi yo’qotish topilsin;
v) bir birlik mahsulotga muvozanatlashtiruvchi soliq stavkasi aniqlansin.