Ministrligi

Oqıtıwshınıń pedagogikalıq texnikası – bul tálim-tárbiya 
procesinde, miynet háreketinde zárúr bolǵan ulıwma pedagogikalıq 
bilim hám kvalifikaciyalar jıyındısı. Pedagogikalıq texnikanıń 
áhmiyetli tárepleri – pedagogik háreketinde onıń sawatlı sóylewi, óz 
pikirlerin hámbilimlerin túsinikli bayanlawı, ózin uslap biliwıi, 
óziniń jeke ózgesheliklerine tán mimika hám pantomimikalıq 
qábiletine iye bolıwı, mazmunlı qaraw kúle shırayda sóylew, sózdiń 
sheksiz kúdireti arqalı oqıwshılarǵa tásir ótkiziw, psixologiyalıq 
bilimlerge iye bolıwı oqıtıwshınıń sheberligin belgilewshi qızǵın 
miynetinde kórinedi.
Oqıtıwshınıń miynetinde pedagogikalıq qanday kónlikpe hám 
kvalifikaciyalardan 
ibarat 
ekenligi, 
pedagogikalıq 
texnika 
oqıtıwshınıń tálim shólkemlerinde tálim-tárbiya háreketinde 
zamanagóy talaplar tiykarında shólkemlestiriwinde, oqıwshılarǵa 
tárbiyalıq tásir kórsetiwde qanday áhmiyetke iye ekenligin dúnya 
alımlarınıń dıqqatın ózine tartpaqta.
Oqıtıwshı miynetinde pedagogikalıq texnika onıń jeke, aqılıy 
pazıyletleri hám qılıqları menen baylanıslı bolıp óz ózin basqarıw 
kvalifikaciyasında (refleksiya) kórinedi: 
– óziniń háreketin basqarıwdı (mimika, pantomimika); 
– óz sezimlerin hám keypiyatın uslap biliwıi hám túrli tásirlerge 
berilmewi; 
– sociallıq perceptiv qábiletlerge (dıqqat, gúzetiwshilik, iyeligi) 
–sóylew texnikasın biliwıi hám óz ornında qollanıwı.
145

---

Pedagogikalıq texnika oqıtıwshı miynetinde shaxs hám 
jámiyetke tásir kórsetiw menen baylanıslı bolǵan tálim-tárbiya 
procesiniń texnologiyalıq táreplerin de qamtıp aladı: 
–tálim hám tárbiya rejeleri tiykarında óz aldına qoyılǵan 
talaplardıń orınlanıwın qadaǵalaw; 
–oqıwshılar jámáátine tálim-tárbiya menen baylanıslı bolǵan hár 
qanday dóretiwshilik háreketin shólkemlestirip biliwı; 
–oqıwshılar menen pedagogikalıq qatnas procesin bir qálipte 
saqlap basqarıw; 
Oqıtıwshı miynetinde aktѐrlıq sheberligine tán bolǵan 
ózgeshelikler, yaǵnıy mimika hám pantomimika qábiletleri 
áhmiyetli rol oynaydı.Oqıtıwshı joqarı pedagogikalıq texnikalıq 
tayarlıqqa iye ekenligi, onıń oqıw jılı dawamında hár bir sabaqta 
jańa temanı ótilgen temalar menen baylanıstırıp, zamanagóy 
integraciyalıq usıllar tiykarında oqıwshılarǵa engiziw, klass 
jámáátinde ózine tán pedagogika hám psixologiyalıq jaǵdaydı jarata 
alıwında, hár bir oqıwıshınıń jeke psixologiyalıq ózgesheliklerin 
itibarǵa alıw mashaqatlı miynet penen úlken juwapkershilikti sezip, 
onı joqarı dárejede orınlawında kórinedi.
Demek, pedagogikalıq texnika oqıtıwshınıń miynet háreketinde 
sonday kásiplik hám jeke kvalifikaciyalar jıyındısı bolıp, ol 
oqıtıwshınıń 
pedagogikalı 
háreketinde 
dóretiwshilik 
tásir 
kórsetiwinde, óz sezimlerin hám keypiyatın bir qálipte saqlay 
alıwında, tálim-tárbiya procesin durıs shólkemlestiriw hám 
basqarıwında joqarı nátiyjelerge erisiw ushın tiykarǵı jol kórsetiwshi 
bolıp xızmet etedi.