Ministry of education and science of the republic of kazakhstan

«ЖАСТАР – БІЛІМ, ҒЫЛЫМ, ҚОҒАМНЫҢ ҚОЗҒАУШЫ КҮШІ» 
атты халықаралық ғылыми-тәжірибелік конференция материалдары 
25-26 қазан, 2019 ж.
 
алады, ал математикалық статистика математикалық модельдің қасиеттерін байқау 
мәліметтеріне негіздейді [3, 23-24б]. 
Математикалық статистиканың алғашқы ұғымдары ретінде ықтималдықтар 
теориясы қарастырылады. Осы ықтималдықтар теориясының негізін салған 
математиктер швейцария математигі Я.Бернулли, француз математигі, механик, физик 
және астрономы П.Лаплас пен математик-физик С.Пуассон. Осы ғалымдар қатарына 
кеңес және қазақ ғалымы, математик, лингвист Қабытай Бектаевты да айтуға болады. Ол 
ықтималдықтар теориясы мен Математикалық статистика әдістерін ақпараттық жолмен 
ұтымды қолдана білді. 
Ықтималдықтар теориясында, ең бастапқы ұғымдар - оқиға мен ықтималдық. 
Оқиға деп жасалған тәжiрибеде, бақылауда шығатын нәтиженi айтады. Оқиғалар үш 
түрге бөлiнедi: ақиқат, мүмкiн емес және кездейсоқ болады. Егер оқиға сөзсiз пайда 
болатын болса, онда ақиқат деп атайды. Егер оқиға мүлде пайда болмайтын болса, онда 
оны мүмкiн емес деп атайды. Егер оқиғаның пайда болатындығын, не пайда 
болмайтындығын алдын ала айтуға болмайтын болса, онда оны кездейсоқ деп атайды.
Математикалық статистика көптеген дербес тарауларға бөлініп, онда сан алуан 
әдістер қолданылады: таңдап алу, параметрлерді бағалау, статистикалық болжамды 
тексеру, жүйелі талдау, өнімнің сапасын тексеру әдістері және т.б.. Математикалық 
статистика өмірлік дағдылармен тығыз байланысқан. Атап айтатын болсақ, қазіргі 
уақытта экономикалық және социологиялық зерттеулерде, сонымен қатар биология, 
медицина, физика, геология, психология ғылымдарында, банктерде, ауа райын 
бақылауда және т.б. салаларда зерттеу жүргізу үшін кеңінен қолданылады [4, 25-27б]. 
Жаңартылған білім беру бағдарламасы – озық технологиялардың барлық қыр-
сырларын білуге жетелейді.
Қазақстан Республикасының тұңғыш президенті Н.Ә.Назарбаевтың 2018 ж. 10 
қаңтардағы жолдауында әлем. Төртінші өнеркәсіптік революция дәуіріне, 
технологиялық, экономикалық және әлеуметтік салалардағы терең және қарқынды 
өзгерістер кезеңіне қадам басып келеді. Осы орайда «Цифрлық Қазақстан» кешенді 
бағдарламасы қабылданған болатын [5]. 
Сандық технологияларды өмірдің барлық саласында қолдану - Төртінші 
өнеркәсіптік революция шеңберіндегі әлемдік өзгерістердің болуына сәйкес келетін 
уақыттың негізгі талаптарының бірі. Әлем өзгеруде, адамдардың жұмыс жасау тәсілдері 
өзгеруде, білім алудың мақсаттары мен тәжірибелері өзгеруде. Автоматтандыру, 
цифрландыру, 
қоғамның 
күрделене 
түсуі, 
желілік 
орталықтандырылған 
қауымдастықтардың қалыптасуы - қазіргі қоғамның даму тенденцияларының толық 
тізімі деп айтуға болады. 
Қазіргі кезде білім беру процесіндегі цифрлық технологиялардың алатын орны 
үлкен. Білім беру процесіне цифрлық технологияларды енгізудің 10 қадамы бар:

Қажеттіліктерді анықтау; 

Құрал-жабдықтарды іздеу; 

Техникалық қажеттіліктерді талдау; 

Жаңа бағдарламалармен танысу; 

Инновациялық тестілеу; 

Әдістемелік қамсыздандыруды ұйымдастыру; 

Нәтижелілікті талдау; 

Мастер-класстар жүргізу [6]. 
Білім беру процесіне цифрлық технологиялардың қатарына: Learningapps.org 
онлайн-платформасы, Google құжаттары мен презентациясы, Google формасы, Plickers 
мобильді технологиясы, Stepik технологиясы, MindMeister және тағы да басқа көптеген 
технологияларды жатқызуға болады. Толығырақ тоқтала кетсек, мысалы, 
Google формасы - тесттер құру, сұрақтар, дауыс берулер және онлайн-квесттер 

---

196
Materials of the international scientific-practical conference