Ómir qáwipsizligi páni haqqinda tu`sinik. (2 saat)

Ayrıqsha jaǵdaylar aqıbetleriniń saplastırılıwı.
Avariya – qutqarıw isleriniń túrleri:
Háreket marshrutları hám jumıs uchastkaları(obektleri) razvedkası.
Háreket marshrutları hám jumıs uchastkaları (obektleri) degi órtti sheklew hám saplastırıw.
Jábirlengenlerdi izlep tawıp hám olardı wayran bolǵan, zaqımlanǵan, janıp atırǵan imaratlardan, suw, gaz, tútin bosaǵan imárat hám wayrangershilik jerlerden alıp shıǵıw.
Jábirlengenlerge birinshi tábiyiy járedemdi kórsetiw hám de olardı shıpaxanalarǵa jaylastırıw.
Xalıqtı qáwipsiz jerlerge kóshiriw.
Epidemiya júzege keliwine jol qoymaw maqsetinde zárúrli sanitariya – gigiena sharaları hám epidemiyaǵa qarsı ilajlardı shólkemlestiriw.
Xalıqtı suw, azıq-awqat hám eń zárurli nárseler menen támiyinlew.


Keshiktirip bolmaytuǵın basqa islerdiń túrleri:
Wayran bolǵan uyımlar arasında hám zıyanlanǵan aymaqlarda kolonna jolların tayarlaw yaǵnıy piyadalar hám transport quralları ushın jol ashıw.
Qutqarıw islerin alıp barıw ushın sharayat jaratıw maqsetinde gaz, energetika, vodoprovod, turmıs materiallıq shıǵındıları hám texnologiyalıq tarmaqlardaǵı avariyalardı sheklew.
İmárat hám insháátlardıń basıp túsiw qáwipi bolǵan háreket qáwipsizligine hám de avariya – qutqarıw islerin alıp barıwǵa kesent beretuǵın konstruktsiyalardı bekkemlew yaki buzıp taslaw.
Qutqarıw islerin ótkeriwdi támiyinlew maqsetinde, zıyanlanǵan baylanıs jolların hám kommunal-energetika baylanısların ońlaw yaki qayta tiklew.
Avariya – qutqarıw hám basqa keshiktirip bolmaytuǵın islerdi nátiyjeli ámelge asırıwǵa tómendegishe erisiledi:
- razvedka islerin óz waqtında hám turaqlı shólkemlestiriw;
- basqarıwdı turaqlı hám qatań túrde shólkemlestiriw;
-Puxaranı qorǵawda kúsh hám qurallardan toparlardı tezlik penen shólkemlestiriw, olardı ayrıqsha jaǵday payda bolǵan aymaqlarǵa alıp keliw.
- basqarıw organları hám sistemalardıń ruwxıylıq jaqtan tayarlıǵı;
- Ayrıqsha jaǵdaylar aqıbetlerin saplastırıwda puxaralıq qorǵanıw kúsh hám qurallardıń islewin úzliksiz halda alıp barıw;
- Ayrıqsha jaǵdaylar tuwılǵanda obekte yaki aymaqlarda komendantlıq xızmetin shólkemlestiriw;
-Ayrıqsha jaǵdaylar aqıbetlerin saplastırıwda,avariya – qutqarıw islerin ámelge asırıwda AJMS kúshlerin materiallıq hám de transport quralları menen támiyinlew;
Ayrıqsha jaǵdaylar aqıbetlerin saplastırıw ushın avariya – qutqarıw hám basqa da keshiktirip bolmaytuǵın islerdiámelge asırıwda texnika qáwipsizligi qaǵıydaların biliw hám olarǵa ámel qılıw.
Avariya – qutqarıw islerin ótkeriw haqqında tez qarar qabıl etiw menen birge wazıypalardı atqarıwshılarǵa óz waqtında jetkeriliwdiń, hám olardıń orınlanıwın shólkemlestiriwdiń de áhmiyeti úlken.
Janındaǵı puxaralıq qorǵanıw organlarına, sistemalar kommandalarına, biriktirilgen bólimler (bólinbeler)ge wazıypalar puxaralıq qorǵanıw baslıǵınıń shaxsı ózi tárepinen yaki puxaralıq qorǵanıw organları arqalı buyrıqlar kórinisinde beriledi.
Puxaralıq qorǵanıw baslıǵı quramındaǵı puxaralıq qorǵanıw kúshlerin basqarıwhám olar tárepinen qoyılǵan wazıypalardıń nátiyjeli orınlanıwı ushın tolıq juwapker.
Puxaralıq qorǵanıw baslıǵınıń qararın tolıq ámelge asırıwǵa imkaniyat beriwshi basqarıwdıń tolıq, aktiv hám beyimlesiwsheń sistemasız ayrıqsha jaǵdaylar waqtında quramalı wazıypalardı orınlaw múmkin emes.