Мотор мойларининг иш хусусияти ва улардан қишлоқ хўжалиги техникаларида фойдаланиш

Ориентировочное соответствие классов вязкости моторных масел настоящего стандарта классификации SAE J 300 JUN 87
Мотор мойларининг оксидланиши
Юқори температура таъсирида, айниқса кислород мавжудлигида, барча мойларнинг дастлабки хоссалари ёмонлашади. Бу ўзгаришларнинг чуқурлиги ва жадаллиги мойларнинг кимёвий таркибига ва уларга таъсир этаётган шароитларга (температура, кислород миқдори (концентрацияси), вақт, металларнинг каталитик таъсири ва бошқалар) боғлиқ бўлади.
ММларининг асосий ўзгаришлари оксидланиш натижасида кузатилади. Агар нефть маҳсулотлари таркибида тўйинмаган углеводородлар мавжуд бўлса, оксидланиш жараёнлари оддий (юқори бўлмаган) температураларда ҳам кузатилиши мумкин.
Температура ошганида эса бутунлай бошқа ҳолат кузатилади. Тахминан 50—60°С дан бошлаб ҳаводага кислород ММининг айрим таркибий қисмлари билан реакцияга кириша бошлайди. 100°С ва ундан юқори температураларда оксидланиш жараёнлари жуда жадал ўтади, ва бунда ҳатто температура бир оз кўтарилганда ҳам оксидланиш чуқурлиги ва тезлиги кескин орта бошлайди.
ИЁДнинг ишлаши жараёнида ишқаланиб ишловчи жуфт деталларнинг юзалари едирилади, чунки кўпгина ишқаланиб ишлайдиган узель ва механизмларда ҳамма вақт ҳам суюқликли ишқаланишни таъминлаб бўлавермайди. Айрим ҳолларда ушбу жуфт деталларнинг юзаларида чегаравий ишқаланиш ҳам кузатилади, бунинг натижасида жуфтликларнинг ишқаланиш юзалари механик тарзда едирила бошлайди. Катта тезлик, юкланиш ва юқори температура таъсирида ишлайдиган узель ва механизмларда фойдаланиладиган ММлари нотўғри танланганда, деталлар юзаларини едирилишдан ҳимояловчи ММ пардаси тезда йиртилиб (ёки юпқалашиб) кетиши сабабли, деталларнинг ишловчи юзаларининг тирналишини кузатиш мумкин.
Деталларнинг ишловчи юзалари нафақат механик равишда едирилади, балки улар кимёвий (коррозион) едирилишга ҳам учраши мумкин. ИЁДнинг ишлаши вақтида унинг деталлари ММдаги углеводородларнинг оксидланишидан ҳосил бўладиган агрессив маҳсулотлар таъсири остида коррозияланади.
Мотор мойларининг едирилиш ҳамда коррозияли едирилишга қарши хоссалари