Муҳаммад ал хоразмий номидаги

Уч томонлама аутентификациялаш таркибида исботловчи тарафдан текширувчи тарафга қўшимча маълумотлар узатиш мавжуд. Бундай ёндашиш аутентификация ўтказишда вақт белгиларидан фойдаланишдан воз кечишга имкон беради.
Таъкидлаш лозимки, ушбу туркумлаш шартлидир. Амалда ишлатилувчи усул ва воситалар набори аутентификация жараёнини амалга оширишдаги муайян шарт-шароитларга боғлиқ. Қатъий аутентификациянинг ўтказилиши ишлатиладиган криптографик алгоритмлар ва қатор қўшимча параметрларни тарафлар томонидан сўзсиз мувофиқлаштиришни талаб этади.
Қатъий аутентификациялаш протоколларини қўлланиладиган криптографик алгоритмларига боғлиқ ҳолда қуйидаги гуруҳларга ажратиш мумкин:
- шифрлашнинг симметрик алгоритмлари асосидаги қатъий аутентификациялаш протоколлари;
- бир томонлама калитли хеш-функциялар асосидаги қатъий аутентификациялаш протоколлари;
- шифрлашнинг асимметрик алгоритмлари асосидаги қатъий аутентификациялаш алгоритмлари;
- электрон рақамли имзо асосидаги қатъий аутентификациялаш алгоритмлари.
Биометрия – бу инсоннинг ўзгармайдиган биологик белгиларига асосан айнан ўхшашликка текширишдир (идентификация). Ҳозирда биометрик тизимлар энг ишончли ҳимоя воситаси ҳисобланади ва турли хил махфий объектларда, муҳим тижорат ахборотларини ҳимоялашда самарали қўлланилмоқда (1.6-Расм).

1.6-Расм. Биометрик аутентификациялаш усуллари


Биометрик аутентификациялаш усуллари аньанавий усулларга нисбатан қўйидаги афзалликларга эга:

• 
  биометрик аломатларни ноёблиги туфайли аутентифика­циялашнинг ишончлилик даражаси юқори;
  
• 
  биометрик аломатларнинг ишга лаёкатли шахсдан ажратиб булмаслиги;
  
• 
  биометрик аломатларни сохталаштиришнинг кийинлиги.
  

Фойдаланувчини аутентификациялашда фаол ишлатиладиган биометрик аломатлари куйидагилар:

• 
  бармоқ излари;
  
• 
  қўл панжасининг геометрик шакли;
  
• 
  юзнинг улчамлари;
  
• 
  овоз хусусиятлари;
  
• 
  куз ёйи ва тур пардасининг нақши.