Muhammad al-xorazmiy nomidagi toshkent axborot texnologiyalari universiteti m. A. Raxmatullayev, B. I. Ganiyeva

O‘zbekiston ilmiy jurnallarini Web of Science Core Collection xalqaro ma’lumotlar bazasiga kiritish bo‘yicha tavsiyalar


Tavsiyalarning maqsadi: O‘zbekistonning ilmiy jurnallarini jahon davriy ilmiy nashrlari standartlari talablari asosida darajasini ko‘tarish, bu orqali, Web of Science Core Collection xalqaro ma’lumotlar bazasida jurnallar sonini ko‘paytirish hamda respublikada fanning rivojlanishiga ta’sir o‘tkazishdan iboratdir.
Web of Science Core Collection ma’lumotlar bazasiga O‘zbekiston jurnallarini kiritish, quyidagi imkoniyatlarni yaratadi:

1. 
   Jurnallar, maqolalar hamda ularning impakt faktorini oshirish;
   
2. 
   Jurnallarning ilmiy darajasini oshirish;
   
3. 
   Ilmiy maqola mualliflari, noshirlarning ijodiy ishlarini faollashtirish;
   
4. 
   Ilm bilan mashg‘ul yoshlar o‘rtasida xalqaro miqyosda ilmiy tadqiqotlar o‘tkazish istagini kuchaytirish
   
5. 
   Xalqaro loyihalarni amalga oshirishda yetakchi ilmiy maktablar, universitetlar va ilmiy markazlardan xorijiy hamkorlarni topish;
   
6. 
   Respublikadagi ilmiy tashkilotlarga ilmiy va loyihaviy-konstruktorlik loyihalariga investitsiyalar olish.
   

Ilmiy jurnallar uchun asosiy tavsiyalar
Quyida keltirilgan tavsiyalar Web of Science Core Collection ma’lumotlar bazasida, shuningdek, ilmiy jurnallar chop etish xalqaro amaliyotidagi eng yaxshi xalqaro standartlar siyosatida jurnallarni tanlash mezonlariga asoslanadi.
1.Jurnalning ISSN xalqaro standart seriyali raqamga egaligi. O‘zbekistonda raqam O‘zbekiston Milliy kutubxonasining ISSN bo‘limida beriladi. ISSN saytda va jurnalning bosma shaklida ko‘rsatilishi shart;
2.Jurnalni chop etish davriyligi. Chop etilish davriyligiga qat’iy amal qilish. Jurnalni chop etilish, elektron shaklini yuborilish muddatlarining cho‘zilishi jurnalni ma’lumotlar bazasidan jurnalni chiqarib tashlanishiga olib keladi.
Xalqaro ilmiy hamjamiyatda qiziqarli bo‘lgan mavzu (ixtisoslik). Aniq ifodalangan ilmiy mutaxassisliklarga ega bo‘lgan jurnallar afzallikka ega. U jurnalni nomlanishida, uning tavsifida, chop etilgan maqolalarda aks etishi lozim.