Salabnamolar - Orchidales qabilasi. Salabdoshlar — Orchidaceae oilasi. Bu oilaga 750 turkum, 20 000 tur kiradi. O’zbekistonda 5 ta turkumga oid 9 ta turi o‘sadi. Oila vakillari yer yuzida keng tarqalgan. Ularga, asosan, ko‘p yillik o‘tlar, lianalar, butalar va ba’zi epifit o‘simliklar kiradi. Barglari xilma-xil yoki reduksiyalangan. To‘pgullari boshoqsimon, shingilsimon yoki ro‘vaksimon. Gullari ikki jinsli, zigomorf, gulqo‘rg‘oni 6 ta bo‘lakdan iborat. Changchilarining iplari qo‘shilib o‘sgan. Mevasi - ko‘p urug’li ko‘sakcha. Salabdoshlarning ayrim turlari manzarali o‘simliklar hisoblanadi. Shuning uchun ular xonadonlarda ko‘plab o‘stiriladi.
Do'stlaringiz bilan baham: |
