Мундарижа кириш 5 I боб. Платина ишлаб чиқариш бўйича дунё адабиётлари ва технологияларининг аналитик тахлили 12

Дихлородикарбонилоплатинат - платинанинг хлор тутувчи карбонилли комплекс ноорганик бирикмаси бўлиб, қуйидаги формулага эга Pt(CO)₂Cl₂. Суюқланиш харорати - 142°С ни, парчаланиш харорати эса 210°Сни ташкил этади. Асосан қиздирилган хлорид платина орқали углерод (ɪɪ) оксиди ўтказиш орқали олинади.
PtCl₂+2CO → Pt(CO)₂Cl₂
Дихлородикарбонилоплатинат оч-сариқ рангга эга бўлиб сув билан таъсирлашади [56; 688 б.].
Pt(CO)₂Cl₂ + H2O → Pt↓ + 2HCl + CO + CO₂↑
Тетрабромодикарбонилодиплатинат - платинанинг ушбу комплекс бирикмаси оч-қизил рангга эга бўлиб бром хосил қилувчи хисобланади. Кимёвий кўриниши қуйидагича Pt₂(CO)₂Br₄. Физик-кимёвий хусусиятлари дихлородикарбонилплатинаникига ўхшаш. Этанол, тетрахлорметан ва иссиқ бензолда тўлиқ эрийди, сув билан таъсирлашиб парчаланади [57; 1168 б.].
Динитродиамминоплатинат (II) – платина нитритининг аммиак билан таъсирида хосил бўлувчи ноорганик комплекс бирикма [Pt(NH₃)₂(NO₂)₂]. Рангсиз кристалл хосил қилади, совуқ сувда эримайди. 200°С хароратда портлаб парчаланади. Калий тетранитроплатинат (II) аммиакли сув таъсирлаштирилиб олинади:
K₂[Pt(NO₂)₄] + 2NH₃ = [Pt(NH₃)₂(NO₂)₂] +2KNO₂
Цис-дихлородиамминплатина (II) нитрит калий билан таъсирлашади [58; 360 б.]:
[Pt(NH₃)₂Cl₂]+2KNO₂ = [Pt(NH₃)₂(NO₂)₂] + 2KCl
Дихлородигидразиноплатинат (II) - [Pt(N₂H₄)₂Cl₂] формулу эга бўлган платина металлининг ноорганик комплекс бирикмаси. Одатдаги (нормал) шароитда оқ рангга эга бўлиб хаво таъсирига бардошли. Диаммонийгексахлорплатинатга метанол иштирокида гидразин таъсир эттириб олинади.
цис-Диаминодихлороплатинат (II) – платинанинг икки валентли хлорид-аммиакатидир. Ушбу ноорганик комплекс бирикмани тиббиётда пейрон хлориди хам деб аташади. Ушбу комплекс бирикма бугунги кунда тиббиётда саратонга қарши восита сифатида кенг қўлланилмоқда. Хлорид пейрони синтези: платина хлориди эритмасига ортиқча миқдорда аммоний карбонат қўшилади ва қайнагунча қиздирилади. Қиздириш давомида эритманинг ранги қизил-анор рангдан сариқ рангга ўтади ва оч-сариқ рангли цис-диаминодихлороплатинат (II) кристаллари чўкмага ажралади: цис-[Pt(NH₃)₂Cl₂] [59; 2467-2498 б.].