Mundarija Kirish I bob. Axborot resurs markazlari haqida

Mundarija
Kirish………………………………………………………………………….4
I bob. AXBOROT RESURS MARKAZLARI HAQIDA………….........................6
I.1-§. Axborot resurs markazlari haqida tushuncha, vujudga kelish tarixi hamda faoliyati ……………………………………………………………….6
I.2-§. Farg‘ona davlat universiteti axborot-resurs markazi tarixi hamda huquqiy asoslari……………………………………………………………………….10
II bob. FARG‘ONA DAVLAT UNIVERSITETI AXBOROT RESURS MARKAZI…….13
II.1-§. Axborot -resurs markazining asosiy bo‘limlari………………………13
II.2-§. Axborot resurs markazining xizmat ko‘rsatish turlari…………… …14
II.3-§. Farg‘ona davlat universiteti axborot-resurs markazining boshqa universitetlar axborot-resurs markazlari bilan o‘zaro aloqasi, yutuq va kamchiliklari … ……………………………………………………………..19
Xulosa……………………………………...………………………………..27
Foydalanilgan manba va adabiyotlar ro‘yxati………..…………….........28
Kirish
Mavzuning dolzarbligi. Kurs ishimning dolzarbliligi shundan iboratki, hozirgi axborot sivilizatsiyasi davrida kutubxona tushunchasining axborot resurs markazi (ARM) so‘ziga almashinuvini mohiyatan tushuntirib o‘tish bilan birgalikda Farg‘ona davlat universiteti axborot resurs markazi misolida ko‘rsatib o‘tishdan iboratdir. Axborot resurs markazining ahamiyati shundan iboratki, internetdagi turfa xil ishonchli va ishonchsiz ma’lumotlardan ko‘ra ko‘plab nodir va noyob asarlarning elektron nusxalari mavjudligi hamda bir vaqting o‘zida hohlagancha foydalana olish imkoniyatidadir. XX asr oxirlaridan yuz bera boshlagan “axborot inqilobi” kutubxonalar faoliyatiga ham sezilarli ta’sir ko‘rsatmoqda. Bu ta’sir natijasida kutubxonalar borgan sari ko‘proq zamonaviy axborot texnologiyalari bilan ta’minlanib, axborot resurslari markazlariga aylanib bormoqda. Kutubxonalarda xizmat ko‘rsatish turlari ham keskin kengaydi: Internet tarmog‘idan foydalanish, axborot-tahliliy materiallarni jamlab berish, kutubxona kataloglarining elektron ko‘rinishi va to‘liq matnli ma’lumotlar bazalarini kitobxonlarga taqdim etish shular jumlasidandir. XXI asr axborot texnologiyalar asriga kelib avvalgi katta-katta binolarni egallab olib, son-sanoqsiz kitoblarga ega bo‘lgan an’anaviy kutubxonalarning mavqei biroz bo‘lsa ham kamayib ularning o‘rnini zamon talablariga javob bera oladigan har tomonlama qulay imkoniyatlarga ega bo‘lgan axborot-resurs markazlarining(ARM) vujudga kelishi bu sohaning rivohjlanishiga ham keskin ta’sir o‘tkaza oldi deb bemalol ayta olamiz.