Mundarija: Kirish I. Bob. Manzarali o’simliklarning kelib chiqish markazlari

II. Bob Manzarali o’simliklar va ularning ahamiyati
2.1. O`zbekiston manzarali bog`dorchilik va gulchilikning axvoli va rivojlanishi.
Gulchilik bizning respublikamizga uzoq Sharqdan Xitoy va Hindistondan
Buyuk ipak yo`li orqali kirib kelgan va birinchi bo`lib Samarqandda, so`ngra Buxoro, Qo`qon va boshqa shaharlarda tarqalgan. 1920 yildan boshlab O`rta Osiyo davlat universitetining qoshida 12 gektarlik botanika bog`i tashkil qilinib 60 ziyod gul navlari etishtirilgan. Gul navlari 300 taga ko`paytirilgach bu bog` 1943 yilda akademiya hisobiga o`tkazilgan va yangi botanika bog`i tashkil etilib, er maydoni 80 gektarni tashkil qilgan.
1962 yildan boshlab Respublikamizning ettita shahri – Andijon, Angren, Olmaliq, Buxoro, Samarqand, Farg`ona va Urganchda o`simlikshunoslik xo`jaliklari tashkil topdi. Bu xo`jaliklarning maydoni 592 gektar edi. 1977 yilga kelib O`zbekiston respublikasida 15 ta o`simlikshunoslik kombinatlari tashkil topdi. Bulardan eng yirigi hisoblangan Toshkent gulchilik savxozining ekin maydoni 1279 gektar edi. Oynavon issiq binolar maydoni 5,9 gektarni tashkil etar edi. 1980 yili botanika bog`ida gulchilik laboratoriyasi tashkil topdi va unda 2000 dan ortiq gul navlari etishtirishga muvoffiq bo`lindi.
Bunga fan doktorlari, professorlardan F.N.Rusanov, Z.F.Bachansiva,
V.P.Pechenitsin, fan nomzodlaridan P.K.Ozolin, L.K.Kravchenko, A.K.Kyatkin, A.X.Sharipov, L.A.Abduraxmonovlar o`zlarining munosib hissalarini qo`shdilar.
Mustaqil Respublikamizda hozir gulchilikka katta e`tibor berilmoqda. Gulchilik O`zbekiston xalqining kundalik turmushiga kirib bormoqda va shahar aholisining turmushida muhim ahamyat kasb etmoqda. Samarqand shahrining manzarali va turli xil gul o`simliklari bilan bezashda va ko`chatlarni o`z o`rniga chiroyli qilib o`tqazishda Shreder nomli meva va tokchilik ilmiy tekshirish institutining zabardast olimlarining hissalari beqiyos.
O`zbekiston Respublikasi Prezidenti tomonidan Toshkent shahrining 2200 yilligini nishonlashga tayyorgarlik ko`rish va uni o`tqazish to`g`risidagi qarorlari ham shuning tasdig`idir.
Qoraqalpog’iston Respublikasi manzarali o’simliklar va ulardan foydalanish bo’yicha ya’ni yog’och butali o’simliklar, ulardan foydalanish va himoya qilish.
Qoraqalpog’iston hududida daraxtlarni ko’paytirish bo’yicha T. O’tenov, M.
Ametov, Sh. Yusupov, X. Tolipovlar o’zlarining munosib hissalarini qo’shdilar.