Muqimiy toshkent «MA’naviyat» 2009

ORZU
Fikrimiz bog‘idin unmas juz niholi orzu,
Mahfili ahbob-u sham’-u qiyl-u qoli orzu.
Vasfi husni qaysi kun payg‘omdin mafhum o‘lub, 
Bo‘ldi biz aflodalarg‘a parr-u boli orzu.
La’limu yo bargi gul, shahd-u shakar yo labmidur, 
Chunki zikridin erur shirin maqoli orzu.
Orzu birlan qolay to chand hijron shomida,
Vah qachon yorab tulu’ etkay hiloli orzu.
Davlatim sarvi qadig‘a qumri bo‘ldim tavqdor,
Voy ulkim tashna-yu, obi ziloli orzu.
Xoksorini sarafroz etsa naylar lutf ila,
Ishtiyoqida erurman poymoli orzu.
Oy yuzig‘a ko‘z tushib, borsak munawar bo‘lmasa, 
Qonga to‘ldi yig‘lay-yig‘lay az kamoli orzu.
Naqsh qildi xotami nazmig‘a (vasfin durrini),
Ot chiqarsun deb, Muqim, sohib jamoli orzu.
39

---

BIR MENMU
Asiri chashming ohuyi biyobon o ‘ldi, bir menmu? 
Ko‘rib oina ham husningga hayron o ‘ldi, bir menmu?
Rux ochding pardadin ul subhidamkim, sayri bog‘ aylab, 
Qolib xijlatda gul choki giribon o‘ldi, bir menmu?
Kuyar jismim na tanho ishqing o‘tidinJki, sahroda 
Tushub оЧ, lolalar ham jumla so‘zon o‘ldi, bir menmu?
Na yolg‘iz men xarobi halqai zulf-u xat-u xoling 
Labingga banda ham la’li Badahshon o‘ldi, bir menmu?
Ko‘yingda telba-yu devonadek yurganda ayb ermas, 
Sochingdin sunbul-u rayhon parishon o‘ldi, bir menmu?
Ko‘rib ramzi tabassum, bu erur deb husni Yusuflar 
Giriftori o‘shal chohi zanaxdon o‘ldi, bir menmu?
Visoling lazzatidin mazzalar topgan hariflar ham,
Kelib oylar, Muqimiy, Yangiqo‘rg‘on o‘ldi, bir menmu?
40

---