Muqimiy toshkent «MA’naviyat» 2009

LOLAZOR AYLAB KELING
Kelsangiz kulbam aro ko‘zni xumor aylab keling,
Shum raqiblar ko‘zidin, ey jonim, or aylab keling.
Hasratingda ko‘zlarimdin seldek yoshim oqar, 
Maqsadimni(ng) g‘unchasin ochib, bahor aylab keling.
Qatra-qatra qon to‘karmen yo‘llaringda termulub,
Sanga oshiqni kim aytdi, intizor aylab keling.
Gulshan ichra lof urar shamshod qaddini ko‘rub, 
Qomatingiz ko‘rsatib bir sharmisor aylab keling.
Uchrasa ag‘yor agar qilmay nazar bismil qilib, 
Qonlaridin ko‘chalarni lolazor aylab keling.
Manga zohid ta’n etmush emdi, ey oromi jon,
Oni ham borib meningdek beqaror aylab keling.
Hech guldin bu Muqimiy tobmadi bo‘yi huzur, 
Kulbami, ohu ko‘zum, mushki totor aylab keling.

---

QACHONGACHA
Ag‘yor eliga lutf Да ehson qachong‘acha?
Qilmoq ko‘ngulni lola kabi qon qachong‘acha?
Hajringda tiyra ro‘z o‘lib, zahri g‘am maosh, 
Mundoq nihonsen, ey mahi tobon, qachong‘acha?
Yuz va’dani birig‘a qachon aylading vafo, 
Sindurmak oxir ahd ila paymon qachong‘acha?
Vayron ko‘ngulning bo‘lsa binolari maylimu,
Qilmak bu ko‘zning yoshini to‘fon qachong‘acha?
Bulbul fig‘on-u qumri chekib oh-u nolalar,
Gullar chamanda choki girebon qachong‘acha?
Vaslingg‘a ham yetarmudi, ey Laylivash, kishi, 
Majnun kezarda dashtda hijron qachong‘acha?
KokiUaringni shonalar aylab Muqimiyni 
Qilmak bu sheva birla parishon qachong‘acha?
9

---

JAMOLINGNI KO‘RUB...
Toqat o‘ldi toq, ey mahvash, jamolingni ko‘rub, 
Volai shaydoi o‘ldim xatt-u holingni ko‘rub.