Mustaqil ishlarni tashkil qilish va baholash mezonlari

Mustaqil ishlarni topshirishga tayyorlanish – mustaqil ishni tashkil 
etishni asosiy tarkibiy qismlaridan biri hisoblanadi. Mustaqil ishlar tanlangan 
mavzuni qanday darajada oʻzlashtirganliklari haqida ogʻzaki, yozma (referat) va 
masofaviy aloqalar (e-mail, sillabus) orqali topshiriladi. Talabalarning mustaqil 
ishini oʻz xohishi asosida mukammal tayyorlashi aʻlo baho olishining garovidir. 
 
Mustaqil ishlarni va talabalar bilimini tekshirish -Talabalarning bilimini 
tekshirish yaʻni, aniqlash, mustaqil ishlarni topshirish jarayonida yangi materialni 
mustahkamlash vaqtida, qoʻshimcha adabiyotlardan foydalanganliklari, mavzu 
yuzasidan slaydlar va yangi pedagogik texnalogiyalaridan foydalanilgan dars 

---

ishlanmalarini tayyorlaganliklari, elektron resurslardan unumli foydalanilganliklari 
va ularni roʻyxatini keltirganliklari, ogʻzaki nutqi tekshiriladi va unga ball 
qoʻyiladi.
 
Talaba mustaqil ishining asosiy maqsadi – oʻqituvchining rahbarligi va 
nazorati ostida talabada muayyan oʻquv ishlarini mustaqil ravishda bajarish uchun 
zarur boʻlgan bilim va koʻnikmalarni shakllantirish va rivojlantirish. 
Talabalarning mustaqil ishini bajarilishi jarayonidagi vazifalar 
quyidagilardan iborat:
- Yangi bilimlarni mustaqil tarzda puxta oʻzlashtirish koʻnikmalariga ega boʻlish;
- Kerakli maʻlumotlarni izlab topishning qulay usullari va vositalarini aniqlash;
- Axborot manbalari va manzillardan samarali foydalanish;
- Anʻanaviy va noanʻanaviy oʻquv va ilmiy adabiyotlar, me`yoriy hujjatlar bilan 
ishlash;
- Elektron oʻquv adabiyotlar va maʻlumotlar banki bilan ishlash;
- Internet tarmogʻidan unumli va maqsadga muvofiq holda foydalanish;
- Maʻlumotlar bazasini tahlil etish;
- Topshiriqlarni bajarishda tizimli va ijodiy yondoshish;
- Bajarilgan mustaqil ishni qoʻyilgan talablar asosida taqdim qilish.
TMI tashkil qilish jarayoni quyidagi bosqichlarni oʻz ichiga oladi:

tayyorlov (maqsadlarni belgilash, dastur tuzish, metodik taʻminot, jihozlarni 
tayyorlash);

asosiy (dasturni amalga oshirish, axborotni izlash, oʻzlashtirish, qayta 
ishlash, qoʻllash, bilimlarni uzatish usullaridan foydalanish; natijalarni qayd etish, 
ish jarayonini oʻz-oʻzida tashkil qilish);

yakuniy (ahamiyatliligini baholash va natijalarni tahlil qilish, tizimlashtirish, 
dastur va ish usullari samaradorligini baholash, mehnatni optimallashtirish 
yoʻnalishlari haqida xulosalar).