Mustaqil ishlarni tashkil qilish va baholash mezonlari

TMI tashkil qilish:
kafedra;
kafedra professor-oʻqituvchilari tomonidan taʻminlanadi.
Talabalarning mustaqil ishi (TMI) - muayyan fandan oʻquv dasturida 
belgilangan bilim, koʻnikma va malakaning maʻlum bir qismini talaba tomonidan 
fan oʻqituvchisi maslahati va tavsiyalari asosida auditoriya va auditoriyadan 
tashqarida oʻzlashtirilishiga yoʻnaltirilgan tizimli faoliyatdir. Oʻqishning 
boshlangʻich bosqichlarida TMIni tashkil etish bir qator vazifalar bilan bogʻliq. 
Ayniqsa, birinchi kurs talabalarining taʻlimning navbatdagi turi - oliy taʻlim 
talablarga koʻnikishi qiyin kechadi. 

---

 
Mustaqil ish topshiriqlari muvaffaqiyatli yakunlanishi uchun quyidagi 
talablar bajarilishi lozim:
- maqsad (bilimni mustahkamlash, yangi bilimlarni oʻzlashtirish, ijodiy faollikni 
oshirish, amaliy koʻnikma va malakalarni shakllantirish va h.k.), aniq asoslanishi;
- vazifa va topshiriqlarning aniq-ravshan belgilanishi;
- topshiriqlarni bajarish algoritmi va metodlaridan talabalarning yetarli darajada 
xabardor boʻlishi;
- maslahat va boshqa yordam turlarining toʻgʻri belgilanishi (yoʻllanma va 
koʻrsatma berish, mavzuning mazmuni va mohiyatini tushuntirish, muammoli 
topshiriqlarni bajarish usullari boʻyicha tushuncha berish, ayrim muammoli 
holatlarni birgalikda hal qilish va h.k.);
- hisobot shakli va baholash mezonini aniq belgilash;
- nazorat vaqti, shakli va turlarini aniq belgilab olish (amaliy seminar, laboratoriya 
mashgʻulotlari, konsultatsiya uchun yoki nazorat uchun maxsus ajratilgan vaqt; 
maʻruza yo referat matni, bajarilgan topshiriqlar daftari, nazorat ishlari, uy vazifasi 
daftari, kurs ishlari, test, maqola, nostandart topshiriqlar, savollar, maqola, 
koʻrgazmali jihozlar va ijodiy ishlar; savol-javob, bajarilgan ish mazmuni va 
mohiyatini tushuntirib berish, yozma shaklda bayon qilish va h.k.).