Muzaffarova vazira shuxrat qizi samarqand viloyatining botanik tabiat yodgorliklari, biologiyasi va ularni

Mavzuning  dolzarbligi.    Samarqand  viloyati  hududida  tarqalgan  botanik 

tabiat  yodgorliklari    hisoblangan  daraxtlar  turlari  haqida  hozirgacha  maxsus  ilmiy 

ishlar  qilinmagan,  ularning  turlar  tarkibi,  tarqalishi  va  ekilish  tarixi  haqida 

ma’lumotlar  juda  kam.  Asriy  daraxtlar  haqida  so’z  yuritilganda,  aborigen 

(mahalliy)  turlardan  sharq  chinori  (Platanus  orientalis),  tutlar  (Morus  alba,  Morus 

nigra),  grek  yong’og’i  (Juglans  regia)  kabi  turlarni  hisobga  olinadi.  Ammo 

viloyatimiz  hududida  ancha  kam  o’rganilgan  bir  qator  adventiv  -  iqlimlashtirilgan 

turlar  borkim,  ular  ham  har  tomonlama  o’rganilishi  va    muhofazaga  muhtoj    asriy 

daraxtlar  hisoblanadi.  Bular  qatoriga  Nurota  tog’laridagina  uchraydigan  savr-

Platycladus  orientalis  (Biota  orientalis),  pista  (Pistacia  vera)  va  ayrim  asriy 

daraxtzorlar  –  Urgut,  Ohalik  kabi  joylarda  mavjud  daraxtzorlarni  kiritish  mumkin. 

---

4 

 

Ularning  ancha  turlari  iqlimlashtirilgan  daraxtlardir  (yapon  soforasi  –  Sophora 

japonica,  qo’ng’ir  eman  –  Quercus  robur,  arg’uvon  –  Cercis  siliquastrum,  tikanli 

gledichiya  –  Gleditschia  triacanthos,  soxta  kashtan  –  Aesculus  hippocastanum  va 

boshq.).  Bundan  tashqari,  viloyat  tumanlaridagi  ayrim  ziyoratgohlarda o’sib turgan 

chinorlar  haqida  ham  –  ularning  soni,  yoshi,  ekilish  tarixi,  hozirgi  holati  haqida 

ham  ma’lumotlar  deyarli  yo’q,  mavjudlari  ham  ko’pchilikka  ma’lum  emas.  Ularni 

hisobga  olish  va  muhofaza  etish,  kelgusi  avlodlargacha  yetkazish  choralarini 

ko’rish  muhim  ilmiy,  amaliy  va  shu  qatorda  ma’naviy  ahamiyatga  ham  ega.  Zero, 

odamlar  borki,  tirigida  o’likdir,  odamlar  borki,  o’ligida  tirikdir.  Aksariyati 

ziyoratgohlarda  o’suvchi,  tarixni  eslatuvchi  bu  tirik  botanik  yodgorliklarni 

o’rganish, ularni  muhofaza etib, kelgusi  avlodga yetkazish  zarur. 

 

Shu nuqtai nazardan qaraganda, o’rganilayotgan mavzu ancha dolzarb va o’z 

vaqtida tanlangan  hisoblanadi.