125
Videoadapterni sovitish tizimi
150 W quvvatli lampochka energiyani qancha iste’mol qilsa, videoadapterlar ham shuncha energiya iste’mol qiladi (ham issiqlik ajaratadi). Bitta kremniy chipi yuzasidan ajralayotgan bunday issiqlik miqdori osongina kristalni kuydirishi mumkin. Shuning uchun issiqlikni o‘z vaqtida barqaror va kuchli kulerlar yordamida tarqatish kerak. Grafik protsessor yoki xotira sovitish tizimisiz qizib ketishi mumkin, bu o‘z navbatida kompyuterning «osilib qolishiga» yoki videokartaning ishdan chiqishiga olib keladi.
Sovitish issiqlik o‘tkazuvchan materiallar va radiatorlar yordamida passiv amalga oshirish mumkin bo‘lganidek, agar ventilator ishlab tursa, faol amalga oshiriladi. Ammo ventilator ishlaganda shovqin darajasi katta bo‘ladi.
Radiatorlar. «Radiator» (heatsink) so‘zi ostida passiv sovitish tushuniladi. Radiator issiqlikni tarqatish va havo bilan issiqlik almashuv maydonini kattalashtirish hiso- biga, o‘zi ulangan chipning haroratini pas- ay tiradi. Bu maqsadga erishish uchun radiatorlar, odatda, qovurg‘adan foydalanadi.
Do'stlaringiz bilan baham: |
