N. M. Mahmudov, A. Nurmonov, A. Sh. Sobirov
Download 1.46 Mb. Pdf ko'rish
|
Ona tili. 9-sinf (2014, N.Mahmudov, A.Nurmonov)
2-topshiriq.
O‘zganing gapi nutqqa necha xil yo‘l bilan olib kirilishi haqida so‘zlab bering. Bilib oling. Hech bir o‘zgarishsiz nutqqa olib kirilgan o‘zganing gapi ko‘chirma gap, mazmuni saqlanib, shakli o‘zgartirilgan o‘zganing gapi esa o‘zlashtirma gap hisoblanadi. 198-mashq. O‘qing. Avval ko‘chirma gapli qo‘shma gaplarni, so‘ng o‘zlashtirma gaplarni ko‘chiring. 1. O. Hojiyeva xalqni og‘ir sinovlar, mashaqqatlar, ulug‘ o‘zgarishlar jipslashtirishini, uning kuch-qudratini imtihon qilishini yozadi. 2. Amakim bizga uqtirdi: «Bir-biringiz bilan ahil bo‘linglar!». 3. G‘afur G‘ulom Erkin Vohidovning mudragan aruzni uyg‘otib yuborganini, uni arab, fors so‘zlaridan tozalab, sof o‘zbek g‘azalini yaratayotganini gapirdi. 4. Abdulla Qahhor jilmayib: «Odamzod hasad qilmasligi kerak. Havas qilishi kerak. Havas qilgan odam murodiga yetadi», — dedi. 83 199-mashq. Gaplarni ko‘chiring, ko‘chirma va o‘zlashtirma gaplarni aniqlang. 1. Bir donishmand nasihatni olmaydigan odamning baxtsiz odam ekanligini ta’kidlagan edi. 2. Õurramiy deydi: «Chiroyli xulq bilan inson insondir». 3. Bobom shirinso‘zlik va muloyimlik har qanday baloni qaytarishga qodirligini aytdi. 4. «Yaxshi fe’l bilan kishilar ko‘nglini olib, o‘zingni yomon qiliqlardan saqlab yasha», — deydi Ahmad Yugnakiy. 5. Hadislarda yaxshi xulqdan boshqa oliy nasab yo‘qligi haqida aytib o‘tilgan. 200-mashq. O‘qing. Ko‘chirma va o‘zlashtirma gaplarni aniqlab, alohida-alohida ko‘chiring. Òegishli tinish belgilarini qo‘ying. Uyimiz yaqinidagi jiydazorda mol boqardik. Kunlardan birida chakalakzor ichidan temir qoziq topib oldim. O‘sha kuni echkimning arqoniga temir qoziq bog‘lab, uyga keldim. Dadam ovqatdan keyin qoziqni ko‘rib qoldi. —Kimniki? —Topib oldim, — dedim. —Qayerdan? —Jiydazordan. —Hozir joyiga oborib qo‘y. Qayerdan olgan bo‘lsang, o‘sha yerga olib borasan... Qoziqni o‘sha o‘zim topgan joyga tashlab kelguncha o‘takam yorilay dedi. — Shunaqa bo‘ladi, — dedi dadam. — Ikkinchi birovning narsasini olmaydigan bo‘lasan. O‘sha odam qoziqni qidirib yurgan bo‘lsa, ertaga sening qo‘lingda ko‘rib tanib qolsa, nima degan odam bo‘lamiz. (O‘. Hoshimov) 201-mashq. Òo‘rtta ko‘chirma gapli qo‘shma gap yozing. Bu gaplarni o‘zlashtirma gapga aylantiring. 1. Qanday gapga o‘zlashtirma gap deyiladi? 2. Ko‘chirma va o‘zlashtirma gaplar bir-biridan nimasi bilan farq qiladi? Download 1.46 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling