Navoiy erkin industrial-iqtisodiy zonasi

Navoiy erkin industrial-iqtisodiy zonasi
Zamonaviy yuqori ishlab chiqaruvchanlikka ega xorijiy asbob-uskunalar va texnikalar, texnologik liniyalar va modullar, innovatsiya texnologiyalarini tatbiq etish hisobiga yuqori texnologik, dunyo bozorlarida raqobatbardosh mahsulotlarning keng doirali turlarini ishlab chiqarish «Navoiy» erkin industrial-iqtisodiy zonasi (EIIZ) xo’jalik yurituvchi sub’ektlari faoliyatining asosiy yo’nalishi qilib belgilangan. 

«Navoiy» erkin industrial-iqtisodiy zonasi (EIIZ)ni tashkil qilish konsepsiyasidan va tanlangan ustuvorliklardan kelib chiqqan holda, «Navoiy» erkin industrial-iqtisodiy zonasi (EIIZ)da quyidagi tarmoqlar va yo’nalishlardagi korxonalar joylashtiriladi: 

• 
  elektrotexnika mahsulotlarini ishlab chiqarish;
  
• 
  telekommunikatsiya asbob-uskunalarini ishlab chiqarish;
  
• 
  mashinasozlik, o’lchagich asbob-uskunalari va butlovchi qismlarni ishlab chiqarish;
  
• 
  dori-darmon mahsulotlari va tibbiy jihozlarni ishlab chiqarish;
  
• 
  oziq-ovqat mahsulotlarini qayta ishlash va qadoqlash;
  
• 
  plastik va polimer buyumlarni ishlab chiqarish.
  

2022- yilning yanvar-iyun yakunlariga ko‘ra, Navoiy viloyati bo‘yicha sanoatda yaratilgan yalpi qo‘shilgan qiymat (YAQQ) hajmi 22 753,3 mlrd. so‘mni tashkil etdi va 2021- yilning yanvar-iyun oylari bilan taqqoslaganda 6,5 % ga, 2018- yilning mos davri bilan taqqoslaganda esa 28,6 % ga o‘sdi.