Navoiy viloyat ftiziatriya

4. Markaz ishchi-xodimlariga ta’qiqlanadi:
- ish jarayoni yakunlangunga qadar markaz hududidan vrachlar, bo‘lim boshliqlari ruxsatisiz tashqariga chiqish;
- vrachlarga, hamkasblariga, bemorlarga va bemorlarning qarindoshlariga nisbatan hurmatsizlik qilish;
- Ish vaqtida asossiz va ishga aloqasiz gaplarni gapirib boshqalarni chalg‘itish, vrach hamda boshqa hamkasblarining xatti-xarakatlarini muhokama qilish;
- yolg‘on gapirish, vrachlarni chalg‘itish bilan bog‘liq har qanday xatti-harakatlarni amalga oshirish;
- buyurilgan ishni bajarib bo‘lgandan so‘ng bu haqda vrachni xabardor qilmasdan bekor o‘tirish;
- buyurilgan ishni vaqtida bajarmaslik yoki ishga kechikib kelish;
- moddiy jihatdan yaxshi ta’minlanganligini turli yo‘llar bilan ko‘z-ko‘z qilish kabilar qat’iyan man etiladi.
5. Rag‘batlantirish va chora ko‘rish tartibi.
5.1. Yil davomida «Odob-axloq qoidalari»ga to‘liq rioya qilgan, markazda yuksak ma’naviy-axloqiy muhitning qaror topishiga va yanada mustahkamlanishiga xizmat qilgan jamoa a’zolari, ma’muriyat tavsiyasiga binoan moddiy va ma’naviy jihatdan rag‘batlantirilib boriladi. Ya’ni,
- vrachlar, hamshiralar, kichik tibbiyot xodimlari, ma’muriy va xo‘jalik bo‘limi ishchi-xodimlariga markaz buyrug‘i bilan tashakkurnoma e’lon qilish;
- «Faxriy yorliq» bilan taqdirlash;
- qimmatbaho va esdalik sovg‘alari bilan mukofotlash;
- yosh ishchi-xodimlarning ota-onasini ish joyiga yoki mahalla fuqarolar yig‘iniga tashakkurnoma xati yuborish.
5.2. Jamoa a’zolari ushbu «Odob-axloq qoidalari»ni buzganida quyidagi intizomiy jazo choralari qo‘llaniladi.
- vrachlar, hamshiralar, kichik tibbiyot xodimlari, ma’muriy va xo‘jalik bo‘limi ishchi-xodimlariga markaz buyrug‘i bilan «Hayfsan» e’lon qilish;
- boshqa ishga o‘tkazish;
- markaz jamoasi orasida muhokama qilish;
- yosh ishchi-xodimlarning ota-onasining ish joyiga yoki mahalla fuqarolar yig‘iniga e’tiroz xati yuborish.
- ish haqining ma’lum foizini jarima tariqasida ushlab qolish.
Shuningdek, jamoa a’zosining xulq-atvori ustidan jamoat nazoratini ta’minlash maqsadida, mazkur qoidalarga rioya etilmaganligi holatlari markazdagi YoI, xotin-qizlar qo‘mitasi boshlang‘ich tashkilotlari va markaz kengashlarida muhokama qilinishi hamda ularning qaroriga binoan jamoa a’zosining hulq-atvori to‘g‘risida u yashab turgan mahalla fuqarolar yig‘iniga ma’lumot tariqasida yozma xabar yuborish amaliyoti ham joriy etilishi mumkin.