Нбдз руз — Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита фаолиятини янада такомиллаштириш тўғрисида

Вазирлар Маҳкамасининг Раиси И. КАРИМОВ
Тошкент ш.,
2004 йил 23 апрель,
196-сон
Вазирлар Маҳкамасининг 2004 йил 23 апрелдаги 196-сон қарорига
1-ИЛОВА
Конфессиялар ишлари кенгашининг
ТАРКИБИ

Ҳуснидинов З.М. ‎	—‎‎	Ўзбекистон Республикаси Президентнинг Давлат маслаҳатчиси, Кенгаш раиси‎
Миноваров Ш.Ш. ‎	—‎‎	Дин ишлари бўйича қўмита раиси, Кенгаш раисининг ўринбосари ‎
Баҳромов А. ‎	—‎‎	Ўзбекистон мусулмонлари идораси раиси, муфти ‎
Владимир (Иким Василий Захарович) ‎	—‎‎	Рус Православ черкови Тошкент ва Ўрта Осиё Епархияси бошқарувчи митрополити ‎
Кукулка К.Я. ‎	—‎‎	Рим-католик черкови ординарийси ‎
Вибе К.К. ‎	—‎‎	Немис евангел лютеранлари жамоаси епископи ‎
Пейчев П.А. ‎	—‎	Евангель христиан-баптистлар черковлари уюшмаси раиси‎
Шимонов Б.И. ‎	—‎‎	Яҳудийлар диний жамоаси раҳбари ‎
Нечитайло С.А. ‎	—‎‎	Тўлиқ Инжил христианлар черковлари маркази епископи ‎

(2-илова Ўзбекистон Республикаси Вазирлар Маҳкамасининг 2014 йил 20 январдаги 10-сонли қарорига асосан ўз кучини йўқотган — ЎР ҚҲТ, 2014 й., 4-сон, 47-модда)
Вазирлар Маҳкамасининг
2004 йил 23 апрелдаги 196-сон қарорига
3-ИЛОВА
Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита тўғрисида
НИЗОМ
I. Умумий қоидалар
1. Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита (кейинги ўринларда матнда Қўмита деб аталади) ҳар бир шахснинг виждон ва диний эътиқод эркинлиги ҳуқуқи, фуқароларнинг динга бўлган муносабатидан қатъи назар тенглигини таъминлаш, шунингдек диний ташкилотлар фаолияти билан боғлиқ муносабатларни тартибга солиш соҳасидаги вазифаларни ҳал этиш ваколати берилган давлат бошқаруви органи ҳисобланади.
Қўмита ўз фаолиятида Ўзбекистон Республикаси Вазирлар Маҳкамасига ҳисоб беради.
2. Қўмита ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлисининг қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, шунингдек мазкур Низомга амал қилади.
3. Қўмита ўз фаолиятини давлат бошқарувининг бошқа органлари, маҳаллий давлат ҳокимияти органлари, жамоат бирлашмалари ва бошқа ташкилотлар билан ўзаро ҳамкорликда амалга оширади.
4. Қўмита фаолиятини молиялаштириш Қўмитага бюджетдан ажратиладиган маблағлар доирасида Ўзбекистон Республикаси Давлат бюджети маблағлари, шунингдек қонун ҳужжатларида тақиқланмаган бошқа манбалар ҳисобига амалга оширилади.
(4-банд Ўзбекистон Республикаси Вазирлар Маҳкамасининг 2016 йил 26 апрелдаги 122-сонли қарори таҳририда — ЎР ҚҲТ, 2016 й., 17-сон, 176-модда)
5. Қўмита юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга эга бўлади.