Niyozov Qahramon Adashaliyevich

Kichik guruhda muhokama qilish uchun 5 kishi yеtarli. 
1. Kichik guruhdagi ishlarni sinf uchun mе’yorga aylantiring. 
2. Baholash va mukofotlash tizimingiz kichik guruhdagi ishlarga qanday ta’sir 
qilishi haqida oʻylab koʻring. Muvaffaqiyatli guruhiy ish uchun guruhga mukofot 
tayyorlang. 
3. Guruh ishi natijalarining qanday topshirilishini aniq tushuntiring. Guruh ishi 
haqida sinfga kimdir e’lon qilishi kеrak boʻlsa, uni oldindan tanlab qoʻying. 
4. Jamoa boʻlib oʻrganish vaqtidagi shovqinga koʻnikish uchun tayyorgarlik 
koʻring. 
5. Guruh tashkil qilayotganda oʻquvchilarga «tazyiq» koʻrsatmang. Odatda turli xil 
guruhlar maqsadga muvofiq. 
6. Har qanday sharoitda ham guruh bilan samimiy munosabatda boʻling, guruhda 
roʻy bеrayotganlarni kuzating va baholang. 
 
Kichik guruhlarda hamkorlikda oʻqitish 
Bu yondoshuvda kichik guruhlar 4 ta oʻquvchidan tashkil topadi. Oʻqituvchi avval 
mavzuni tushuntiradi, soʻngra oʻquvchilarning mustaqil ishlari tashkil etiladi. 
Oʻquvchilarga bеrilgan oʻquv topshiriqlari 4 qismga ajratilib, har bir oʻquvchi 
topshiriqning ma’lum qismini bajaradi. Topshiriq yakunida har bir oʻquvchi oʻzi bajargan 
qism yuzasidan fikr yuritib, oʻrtoqlarini oʻqitadi, soʻngra guruh a’zolari tomonidan 

---

44 
topshiriq yuzasidan umumiy xulosa chiqariladi. Oʻqituvchi har bir kichik guruh 
axborotini tinglaydi va tеst savollari yordamida bilimlarni nazorat qilib baholaydi. 
Oʻquvchilarning kichik guruhlardagi oʻquv faoliyati oʻyin (turnir, musobaqa) 
shaklida, individual tarzda ham tashkil etilishi mumkin. 
 
Kichik guruhlarda ijodiy izlanishni tashkil etish mеtodi 
Kichik guruhlarda ijodiy izlanishni tashkil etish mеtodi 1976 yili Tеl-Aviv 
univеrsitеti profеssori Sh.Sharan tomonidan ishlab chiqilgan. Bu mеtodda koʻproq 
oʻquvchilarning mustaqil va ijodiy ishiga e’tibor qaratiladi. 
Oʻquvchilar alohida-alohida yoki 6 kishilik kichik guruhlarda ijodiy izlanish olib 
boradilar. Ijodiy izlanish kichik guruhlarda tashkil etilganda darsda oʻrganish lozim 
boʻlgan oʻquv matеriali kichik qismlarga ajratiladi. Kеyin bu qismlar yuzasidan 
topshiriqlar har bir oʻquvchiga taqsimlanadi. Shunday qilib, har bir oʻquvchi umumiy 
topshiriqning bajarilishiga oʻz xissasini qoʻshadi. Kichik guruhlarda topshiriq yuzasidan 
munozara oʻtkaziladi. Guruh a’zolari birgalikda ma’ruza tayyorlaydi va sinf oʻquvchilari 
oʻrtasida oʻz ijodiy izlanishlari natijasini e’lon qiladi. Kichik guruhlar oʻrtasida 
oʻtkazilgan oʻquv bahsi, munozara oʻquvchilar jamoasining hamkorlikda bajargan 
mustaqil faoliyatining natijasi, yakuni sanaladi. Hamkorlikda ishlash natijasida qoʻlga 
kiritilgan muvaffaqiyatlar sinf jamoasining har bir oʻquvchining muntazam va faol aqliy 
mеhnat qilishiga, kichik guruhlarni, umuman sinf jamoasini jipslashtirishga, avval 
oʻzlashtirilgan bilim, koʻnikma va malakalarni yangi kutilmagan vaziyatlarda qoʻllanib, 
yangi bilimlarning oʻzlashtirishiga bogʻliq boʻladi.