Nízamí 2023 Nókis qalası 1-sanlı qánigelestirilgen mektep-internatı Oqıwshılar Awqamı Prezidenti saylawı haqqındaǵı

Nókis qalası 1-sanlı qánigelestirilgen mektep-internatı
Oqıwshılar Awqamı Prezidenti saylawı haqqındaǵı
NÍZAMÍ


2023
Nókis qalası 1-sanlı qánigelestirilgen mektep-internatı
Oqıwshılar Awqamı Prezidenti saylawı haqqındaǵı
NÍZAM
Ulıwmalıq qaǵıydalar
Oqıwshılar awqamı Prezidenti saylawınıń tiykarǵı maqsetleri mektep oqıwshılarınıń óz huquq hám májbúriyatlarına juwapkershilikli múnasibetın qáliplestiriw, mektep oqıwshıları menen oqıwshılar arasında birge islesiwdi, teńlesleri menen óz-ara pikir almasıwdı, oratorlıq qábiletin rawajlandırıw, volontyorlıq háreketlerin qollap-quwatlaw hám rawajlandırıw bolıp tabıladı.
Oqıwshılar awqamı Prezidenti wazıypaları
-Tálim procesinde oqıwshılardıń huquqıy máplerin qorǵaw
-Mektep turmısında oqıwshılar iskerligin qollap-quwatlaw hám rawajlandırıw
-Oqıtıwshılar hám oqıwshılar ortasında birge islesiwdi jolǵa qoyıw
-Tártip-intizam, ádep-ikramlılıq mádeniyatın jetilistiriw
Oqıwshılar awqamı iskerliginiń tiykarǵı principleri
-Ǵarezsizlik principi (Oqıwshılar awqamı iskerligi menen baylanıslı barlıq máseleler awqam aǵzaları tárepinen sheshiledi)
-Juwapkershilik principi (Awqam aǵzaları óz qararları hám is-háreketlerine juwapker esaplanadı)
-Teńlik hám birge islesiw principi (Awqam barlıq oqıwshılar máplerin teńdey qorǵaydı hám mektep adminstraciyası, oqıtıwshılar pikirin esapqa aladı)
-Ashıqlıq principi (Oqıwshılar awqamınıń bárshe qararları, is-ilajları aldınnan daǵazalanadı hám sociallıq tarmaqlarda jarıtılıp barıladı)
-Jámáátlik principi (Hár qanday qarar awqam aǵzalarınıń pikirlerin esapqa alǵan halda jámáátlik dodalawdan soń qabıl etiledi)
Oqıwshılar awqamı Prezidentin saylaw tártip-qaǵıydaları:
-Partıya dúziliwi kerek. Partıya dúziliwi ushın keminde 51 adam partıyaǵa aǵza bolıp, aǵzalar dizimi hám imzası saylaw komıssıyasına usınılıwı kerek. Saylaw komıssıyası dizim aǵzaları ádillik principine tiykarlanıp partıya aǵzalıǵına qabıllanǵanın tastıyqlasa ǵana, partiya rásmiy tán alınadı hám saylawǵa óz kandidaturasın qoyıp agitacıya jumısların baslaw huquqına iye. Saylawda tek ǵana 1 partıya jeńimpaz bola aladı.
-5 aǵzadan ibarat partıya dúziliwi (hárbir aǵza toparda óz lawazımı hám juwapkershiligine iye bolıwı kerek)
-Awqam aǵzaları arasınan ózleri prezidentlikke kandidattı usınadı
-Prezidentlikke tek 9-10 klass oqıwshıları óz partıyaların usına aladı, basqa klass oqıwshıları tek saylawshı, saylaw komissıya aǵzası hám volontyor bolıp qatnasa aladı
-Topar aǵzaları menen birge mektep turmısında oqıwshılardı birlestiretuǵın, jámiyetke paydası tiyetuǵin hám bilimlendiriw tarawın rawajlandırıwǵa úles qosatuǵın proekt islep shıǵıw
-Kandidat óz partıyasınıń maqsetin, ámelge asıratuǵın is-ilajları rejesin islep shıǵıwı
-Óz partıyası uranına iye bolıwı
-Oqıwshılar arasında óz partıyasın, maqsetlerin tanıstırıp saylaw kúnine shekem agitaciya jumısların alıp barıw, prezentaciyalar ótiw