Nízamí 2023 Nókis qalası 1-sanlı qánigelestirilgen mektep-internatı Oqıwshılar Awqamı Prezidenti saylawı haqqındaǵı

Saylaw huquqı hám saylaw komissiyası
Tek ǵana mektep oqıwshıları saylaw huquqına iye. Mektep oqıwshıları tárepinen saylaw komissiyası dúziledi hám saylaw processine, onıń nátiyjesine tikkeley juwap beredi. Saylaw komissiyası 6 adamnan ibarat boladı hám saylaw procesin shólkemlestiriwge (saylaw blyutenin tayarlaw, saylawshılardı dizimnen ótkeriw h.t.b) juwapker bolıp tabıladı.
Saylaw aldı agitaciya jumısları ádillik principlerine boysınǵan halda ámelge asırılıwın baqlap baradı. Eger qanday da bir partıya yáki partıya aǵzalarınıń nızamǵa qarsı háreketleri baqlansa (máselen, para beriw, oqıwshılardı dawıs beriwge májbúrlew, qorqıtıw h.t.b), sol partıya saylaw procesinen shetletiledı hám saylanıw huquqınan ayrıladı. Partıyalar tek ǵana ádillik principlerine ámel etken halda partıyasın onıń maqset hám wazıypaların tanıstırıw, broshuralar tarqatıw, prezentaciyalar ótiw huquqına iye.
Eger saylawda saylawshılar sanı 70% ten assa, saylaw ótken esaplanadı hám eń kóp dawıs jıynaǵan partıya jeńimpaz bolıp esaplanadı.
Saylaw komissiyası saylawshılardı dawıs beriw waqtı hám ornı tuwrısında xabarlandırıwı shárt.
Dawıs beriw waqtı juwmaqlanǵannan soń saylaw komissiyası saylawshılardıń dawısın ashıq túrde sanap shıǵadı hám dawıs beriw nátiyjeleri tuwrısında bayanlama dúzedi.
Dawıs beriw kúninen keyin 1 kúnnen keshiktirmey, dawıs beriw nátiyjeleri bayanlaması tiykarında saylaw komissiyası saylaw juwmaǵı boyınsha qarar qabıl etedi hám eń kóp dawıs toplaǵan kandidat Oqıwshılar awqamı Prezidenti etip saylanadı.