Nízamí 2023 Nókis qalası 1-sanlı qánigelestirilgen mektep-internatı Oqıwshılar Awqamı Prezidenti saylawı haqqındaǵı

Oqıwshılar awqamı aǵzalarınan talap etiletuǵın kónlikpeler:
Bilim, tártip-intizam, juwapkershlilik, dóretiwsheńlik, shólkemlestiriwshilik
Oqıwshılar awqamı prezidentinıń wákillik múddeti
Oqıwshılar awqamı prezidentiniń wákillik múddeti 1 jıl. Hár jılı fevral ayında prezidentlik saylawı ótkeriledi. Saylaw kúninen 1 ay aldın agitaciya jumısların baslaw huquqına iye. Saylaw kúninen 1 kún aldın partıyalar izbe-izlikte óz partıyasınıń maqsetlerin tanıstırıp prezentacıya ótiwi kerek.
Saylaw kúnı 25-fevral
Oqıwshılar awqamı aǵzalarınıń tiykarǵı wazıypaları
-Oqıwshılar awqamı mektep turmısında oqıwshılarǵa baylanıslı máseleler boyınsha jumıs alıp baradı oqıwshılardıń pikirlerin úyrenedi hám qáliplestiredi, mektep adminstraciyasına oqıwshılar pozıtciyasınan kelip shıǵıp pikir hám usınıslar bildire aladı.
-Oqıwshılar awqamı mektepten tıs waqıtlarda oqıwshılardıń talap, usınısları hám qızıǵıwshılıqlarınan kelip shıǵıp hár qıylı ilajlar, klublar shólkemlestiredı. Mektep adminstraciyası hám oqıtıwshılar mektep oqıwshılar awqamı jumısın qollap-quwatlaydı hám shólkemlestiriwshilik jumıslarına sharayat jaratıp beredi.
-Oqıwshılar awqamı aǵzaları jaqsı oqıwı, ózin mádeniyatlı tutıwı, mektep paydası ushın háreket qılıwı, onıń abıroyın saqlawı, oqıtıwshılar hám oqıwshılar menen húrmet penen múnasibette bolıwı, basqa adamlardıń pikir hám qarasların húrmet etiwi, mektep is-ilajlarında belsene qatnasıwı shárt.
-Hár sherekte 1 márte mektep oqıwshılarına ámelge asırıp atırǵan is-ilajları haqqında esabat beriwi shárt.
Oqıwshılar awqamı Prezidenti wákillikleri
-Mektep direktorına tuwrıdan tuwrı usınıs bildire aladı
-Oqıwshılar arasında sorawnamalar ótkeriw
-Basqa shólkemler menen birge islesiw hám is-ilajlardı shólkemlestiriw
-Bilimlendiriw mákemesi mal-múlkinen mektep adminstraciyası ruxsatı menen oqıwshılar awqamı is-ilajların ámelge asırıw maqsetinde paydalanıw
-Zárúrlik bolǵanda mektepte ushırasıwlar, jıynalıslar ótkeriw
-Oqıw processin jánede jetilistiriw maqsetinde mektep adminstraciyasına usınıslar kiritiw
-Awqam aǵzaların bul nızamdı buzǵanlıǵı yáki bolmasa óz wazıypaların tuwrı ámelge asırmaǵanlıǵı ushın wákilliginen ayırıw
-Oqıwshılar awqamınıń 1 jıllıq is-rejesin tastıyqlaw