Omirtqa bag’anasi yarim shig’iwi ha’m shig’iwi sebepleri, klinik ko’rnisi?

9. Bas miy zaqimlaniwinin’(ushib) jen’il ha’m orta da’rejesin operativ emes emlew . Bas miy zaqımlanıwınıń parıq etiwshi belgisi bolıp oshaqlı simptomlar esaplanadı. Jeńil dárejede ádette, olar reflektor asimmetriya kórinisinde boladı. Bas miy zaqımlanıwınıń absolyut belgisi bas súyegi tóbe bólimi yaki tiykarı sınıwı yaki lyumbal punkciyada likvorda qan izleri anıqlanıwı esaplanadı. Jeńil dárejedegi bas miy zaqımlanıwında, ádette, kúshli qan quyılıwı hám dislokacion sindrom rawajlanıwı baqlanbaydı.
Orta dárejedegi bas miy zaqımlanıwı ushın ONS jaraqatı kúshlirek kóringen oshaqlı simptomlar (gemiparez yaki gemiplegiya), afaziya, gipesteziya, bas miy nervleri (kóbinese, kózdi háreketlendiriwshi, úsh shaqlı, júz hám esitiw nervleri) jaraqatı tán. Awır dáwirde oshaqlı simptomlar ulıwma miy belgileri menen jasırınǵan boladı, es-aqılı tiklengennen keyin jaqsıraq júzege shıǵadı.
Jeńil dárejedegi bas miy zaqımlanıwında nawqaslarǵa ornında jatıw rejimi tártibi 2 hápte, orta dárejede — 2—3 hápte hám awır jaǵdaylarda 4 hápte. Ambulator emlew ushın stacionardan jaraqattan keyin 18—40-kúni shıǵarıladı. Shuqır oshaqlı belgiler bolǵanda nawqasqa mayıplıq gruppası beriledi. Jeńilirek jaǵdaylarda miynetten azat etiw múddeti 8—16 hápte bolıwı múmkin.
10. Bas miy zaqimlaniwinin’(ushib) awir da’rejesin operativ emes emlew
Nawqas emlewxanaǵa túsken dáwirde diagnostikalıq sharalar menen birgelikte emlew-janlandırıw sharaları da alıp barılıwı lazım.
1. Júrek qan tamırlar funkciyasın tiklew: a) bronxial terekti tazalaw; b) ingubaciya; c) 2—3 kún ishinde jeterli spontan dem alıwdı tiklewge úmit bolmasa –traxeostomiya; g) ókpeniń jasalma ventilyaciyası; d) uzaq múddet qan, qan ornın basıwshı suyıqlıqlar hám dári zatların quyıw ushın omıraw astı venası punkciyası; e) joqarı venoz basım hám tómen arterial basım bolǵanda (80 mm sınap baǵanasınan tómen) — qan hám qan ornın basıwshı suyıqlıqlar arteriya ishine quyıladı.
2. Bas miy funkciyasın tiklew: a) mannitol hám mochevina menen massiv degidratacion terapiya, bir waqıttıń ózinde 60—90 g ǵa shekem qurǵaq zat esabında, laziks; b) bas miy tamırları spazmasın joǵaltıw ushın qan tamırlardı keńeyttiriwshi zatlar (eufillin, no-shpa, droperidol h.t.b); v) miy lokal gipotermiyası; g) desensebilizaciyalawshı terapiya; d) acidozǵa qarsı gúres (natriy gidrokarbonat eritpesi quyıw), kislorodqa toyındırıw. Eger sistolik qan basımı 80 mm sınap baǵanasınan tómen bolsa, diagnostikalıq yaki radikal xirurgiyalıq ámeliyattı orınlasa boladı.