Ona tili 4 sinf ona tilidan dars ishlanmalari 1-dars Darsning mavzusi: 3-sinfda o‘tilganlarni takrorlash. Gap

III. Mustahkamlash.
Darslik bilan ishlash.12-mashq.Berilgan gaplar davom ettirilib, tugallangan shaklga keltiriladi va daftarlarida yozdiriladi.
Bilagi kuchli birni yiqar, ...
Bulbul chamanni sevar, ...
Suvsiz hayot bo‘lmas, ...
Tuzgan gaplar ifoda maqsadiga ko‘ra qanday gap?,- degan savol beriladi. O‘quvchilar javobi hulosa qilinadi.

1 -topshiriq. 6 ta maqolning bosh qismi ketma-ket beriladi. Har bir maqolning bosh qismi uchun barcha maqollarning ikkinchi qismidan o‘quvchi berilgan maqol qismini topishi lozim.

13-mashqni bajarishda quyidagi ishlar amalga oshiriladi.
Buning uchun matn o‘qiladi, matnga sarlavha qo‘yiladi, matn maqsadga ko‘ra qanday gaplardan tuzilganligi aniqlanadi, har bir gapdan so‘ng qavs ichida gaplarning maqsadga ko‘ra turi yoziladi.
Mashq matnidagi so‘zlar ustida ishlash.
O‘quvchilarga matnni qayta o‘qitib, qaysi so‘zlarning yozilishida xato qilishlari mumkinligi aniqlanadi. (tunshuq, musobaqasi, xarsang, kovak danak, davom kabi so‘zlarni aytishlari mumkin)
O‘quvchilar uchun tushunarsiz so‘zlar ustida “Lug‘at ish” o‘tkaziladi
xarsang — katta tabiiy tosh

2 -topshiriq. Ekranda bo‘rikalla, gurvak, oqurug‘, qizilurug‘, ko‘kcha, obinovvot, bosvoldi, shakrpalak, asati qovun rasmlari ostiga qovun nomini joylashtirish vazifasi beriladi. Ajratib ko‘rsatilgan so‘zlar ishtirokida maqsadga ko‘ra uch turdagi gap tuzish topshirig‘i beriladi.

14-mashq. Qovun turlari bo‘yicha suhbat o‘tkaziladi:
1. Rasmdagi har bir qovunning nomini ayting. (O‘quvchilar topa olmagan holda o‘qituvchi yoqdam beradi.)

2. 
   Qovunning nomlarini qaysi birida xatoga yo‘l qo‘yishingiz mumkin.
   

O‘quvchilarga quyidagi darsni mustahkamlovchi savollar beriladi.
1. O‘zbekistonda qovunning necha xil turi bor?
2. Gap deb nimaga aytiladi?
3. Gap nimalardan tuziladi?
4. Gapning maqsadga ko‘ra turlarini aytib bering.