Onaxon jabborova, zuxra umarova

 
 
74

---

Mustahkamlash uchun savollar va topshiriq: 
1. “Tarbiya” fanini o‘qitish amaliyotini takomillashtirishda 
tadqiqotlar xulosalaridan foydalanish qanday bo‘ladi? 
2. Fanni 
o‘qitish amaliyotini takomillashtirishda ijtimoiy 
so‘rovnomalardan foydalanishning asoslari nimalardan iborat? 
3. Fanni o‘qitish amaliyotini takomillashtirishda individual amaliy 
tajribalardan foydalanish tayanchlarini nimalar tashkil etadi? 
4. “Tarbiya” fanini o‘qitish amaliyotini takomillashtirishda 
tadqiqot xulosalari, ijtimoiy so‘rovnomalar va individual amaliy 
tajribalardan foydalanish asoslarini o‘zlashtiring. 
Mazkur uchinchi modulda tarbiya amaliyotining asosiy masalalari 
bilan tanishdingiz. Bu modulni o‘zlashtirish bilan 6 kreditga ega 
bo‘lasiz. Buning uchun har bir mavzu oxirida berilgan mustaqil ta’lim 
topshiriqlarini bajarish va o‘zlashtirgan ko‘nikmalaringizni pedagogik 
hamda malakaviy amaliyotlar davrida amalda qo‘llab ko‘rish tavsiya 
etiladi. 
 
 
75

---

AMALIY MASHG‘ULOTLAR
1-mavzu: “Tarbiya” fani va unga oid me’yoriy hujjatlar bilan 
ishlash 
Tarbiya nazariyasining umumiy xususiyatlari ta’lim nazariyasidan 
farq qiladi. Bunda tarbiyaga oid nazariy yondashuvlar amaliyot bilan 
bog‘lanishi xarakterli xususiyatdir. Shu sababli ushbu mavzuni 
o‘zlashtirishda quyidagilarga e’tibor berish lozim: 
- tarbiya nazariyasining umumiy xususiyatlarini o‘zlashtirish; 
- “Tarbiya” fani asoslarini o‘rganish va bunday asoslarning eng 
muhim jihatlariga e’tibor berish; 
- “Tarbiya” fanini o‘qitish zaruriyatini anglash. 
O‘zbekiston ta’lim tizimida “Tarbiya” fani yangi o‘quv predmeti 
bo‘lganligi uchun mazkur fanning me’yoriy hujjatlarini o‘rganish va 
hujjatlardagi eng muhim o‘rinlarni o‘zlashtirish taqoza etiladi. Misol 
uchun, mazkur fan bo‘yicha asosiy hujjatlardan biri O‘zbekiston 
Respublikasi Vazirlar Mahkamasining 2020 yil 6 iyundagi 422-sonli 
“Umumiy o‘rta ta’lim muassasalarida “Tarbiya” fanini bosqichma-
bosqich amaliyotga joriy etish chora-tadbirlari to‘g‘risida”gi 
Qaroridir. Mazkur qarorni o‘rganish jarayonida quyidagilarga e’tibor 
berish lozim: 
- 2020 yil iyul oyidan boshlab yangi o‘quv yiliga tayyorlanish 
jarayonida umumiy o‘rta ta’lim maktablaridagi “Boshlang‘ich ta’lim”, 
“Milliy g‘oya va huquq”, “Tarix” va “Dinshunoslik” mutaxassisligiga 
ega fan o‘qituvchilari “Tarbiya” fanidan dars berishga tayyorlanib 
kelmoqda; 
- mazkur tayyorgarlik ishlari “Tarbiya” fani bo‘yicha oliy 
ma’lumotli o‘qituvchilar tayyorlangunga qadar davom etadi; 
- “Tarbiya” fani bo‘yicha darsliklar, o‘quv materiallari va metodik 
tavsiyalar majmualarini nashr etish va tarqatish davlat byudjeti 
hisobidan amalga oshiriladi; 
- Ushbu Qaror bilan tasdiqlangan “Umumiy o‘rta ta’lim 
muassasalari o‘quvchilari uchun “Tarbiya” fani Konsepsiyasi”ni 
o‘zlashtirish. 
Bo‘lajak boshlang‘ich sinf o‘qituvchilari mazkur Qaror va 
Konsepsiyada belgilangan vazifalarni, talablarni va qoidalarni 
o‘zlashtirishi zarur. 
76

---

Mazkur mavzu bo‘yicha me’yoriy hujjatlarni o‘rganing va 
konspekt qiling.