Operatsion tizimlari fanidan

Qurilma drayverlari (device drivers): bajarish funksiyasini kengaytiradigan dinamik kutubxonalar. Bunga foydalanuvchi kiritish/chiqarish funksiyasi chaqirig‘ini ma’lum qurilma vositalariga kiritish/chiqarish so‘rovlari va fayl tizimlarini, tarmoq protokollarini va yadro rejimida ishlashi kerak bo‘lgan boshqa har qanday tizim kengaytmalarini amalga oshirish uchun dasturiy ta’minot qismlarini tarjima qiladigan qurilma vositalari drayverlari kiradi.

Oynalar va grafik tizim (Windowing and graphic system): GUI funksiyalarini bajaradi, masalan, oynalar bilan ishlash, foydalanuvchi interfeysini boshqarish va chizish.

Windows bajaruvchisi maxsus tizim komponentlarini o‘z ichiga oladi va foydalanuvchi rejimi dasturi uchun API ni taqdim etadi. Quyida har bir boshqaruv modulining qisqacha tavsifi keltirilgan:

• 
  Kiritish/chiqarish menejeri (I/O manager): kiritish/chiqarish qurilmalarini dasturga kirish imkoniga ega bo‘lishini ta’minlaydi va keyingi qayta ishlash qurilmasi uchun mos keladigan drayverlarni yuborish uchun javobgardir.
  
• 
  Kesh menejeri (cache manager): fayllarga asoslangan kiritish/chiqarish operatsiyalarini samaradorligini oshiradi.
  
• 
  Obyekt menejeri (object manager): jarayonlar, oqimlar va sinxronizatsiya obyektlari kabi resurslarni ifodalash uchun foydalaniladigan Windows bajaruvchi obyektlarini yaratadi, boshqaradi va yo‘q qiladi. Obyektlarni saqlash, nomlash va xavfsizlikni ta’minlash uchun yagona qoidalarni qo‘llaydi. Obyekt menejeri shuningdek har bir jarayonni tavsiflovchi jadvalida yozuvlarni yaratadi, bular kirishni boshqarish ma’lumotlari va obyekt ko‘rsatgichlaridan iborat.
  
• 
  Plug and Play drayveri (Plug and Play driver): ma’lum bir qurilmani qo‘llab-quvvatlash uchun qaysi drayverlar talab qilinishini aniqlaydi va ushbu drayverlarni yuklaydi.
  
• 
  Quvvat menejeri (power manager): turli xil qurilmalar o‘rtasida quvvatni boshqarishni muvofiqlashtiradi va ishlamayotgan qurilmalarni o‘chirish, protsessorni uyqu rejimiga o‘tkazish va hatto butun xotirani diskka yozish va butun tizimni o‘chirish orqali quvvat sarfini kamaytirish uchun sozlanishi mumkin.
  
•