Oqıtıwshı miynetin ilimiy shólkemlestiriw. Ózin-ózi tárbiyalaw hám óz ústinde islew. Pedagogikalıq tájiriybeni toplaw sisteması

Oqıtıwshı miynetin ilimiy shólkemlestiriw. Ózin-ózi tárbiyalaw hám óz ústinde islew. Pedagogikalıq tájiriybeni toplaw sisteması.
J O B A S I:
1.Sabaq protsessinde birge islesiw. Oqıwshılardıń biliw xızmetin basqarıwda muǵallimniń sheberligi.
2. Muǵallimniń sabaqtaǵı xızmetiniń qurılısı. Muǵallimniń tárbiyashılıq sheberligi haqqında.
3.Oqıtıwshı miynetin shólkemlestiriw haqqında túsinik hám onıń áhmiyeti.
4.Waqıttan únemli paydalanıw, oqıtıwshınıń kún tártibi, is ornı hám bos waqtı.
5.Pedagogikalıq miynetti ilimiy shólkemlestiriw tárepleri hám esapqa alıw jolları.
6.Ózin-ózi tárbiyalaw hám óz bilimin jetilistiriwdiń pedagog ushın áhmiyeti.
7.Ózin-ózi tárbiyalaw hám biliwdiń ilimiy tiykarları.
8.Ózinshe bilim alıw, ózin-ózi tárbiyalawdıń ahmiyetli bólegi.
9.Jeke aldıńǵı pedogogikalıq tájiriybelerdi úyreniw áhmiyeti. Muǵallimniń dóretiwshilik labarotoriyası túsinigi. Aldıńǵı pedogogikalıq tájiriybelerdi úyreniw.
a). Maglıwmat (muǵallimdi sıpatlawshı)
b). Jetiskenlikler
v). Tájiriybeli muǵallimniń talim-tárbiya metodları.
Tajiriybeli muǵallimniń kásipliklesiwi.
Úyreniwshi muǵallimniń (kásıilik), óziniń juwmaqları.
Aldıńǵı tájiriybeni úyreniw ushın negizgi bolǵan hújjetler hám materiyallar.


TEKSERIW SAWALLARI
1. Sabaqtaǵı muǵallimniń sheberligi qanday bolıwı kerek.
2. Muǵallim qalayınsha oqıwshılardıń biliw iskerligine basshılıq etedi.
3. Muǵallimniń pedagogikalıq xızmet mádeniyatı qanday.
4. Sabaqtaǵı sheberligin muǵallim qalay tekseriwi múmkin.

Házirgi waqıtta elimizde júz berip atırǵan hár qıylı ózgerisler jańalanıw dáwiri hár bir insannan jańasha oylawdı, baslama kóteriwdi, dóretiwshilik penen is alıp barıwdı qatań talap etedi. Mekteptegi sabaq - pedagogikalıq dóretıwshilikti ámelge asıratuǵın tiykarǵı orın.

Sabaq waqtında dástúrge aylanıp ketken kópshilik kemshilikler ushırasadı. Bunda muǵallimler oqıwshılardan tómen ózlestirip alǵan oqıw materiyalların este saqlap qalıwdı talap etedi.Oqıwshılardı ózliginshe erkin pikirlewge yamasa hár qıylı diskussiyalarda sorawlarǵa juwaplar tabıwdı úyretiwdiń ornına kitap tekstiń sóylep beriwdi óz sózleri menen jetkerip beriwdi talap etedi.
Bunday oqıtıwlar ózgertiliwi kerek. Oqıtıw protsessin shólkemlestiriwde jańa sapalı usıllar engiziliwi tiyis.