6-topshiriq. Gazeta va jurnaldan ta’lim yoki madaniyat mavzusidagi maqolani o‘qing, til xususiyatiga ko‘ra boshqa nutq uslubidan farqlanishini izohlang va daftaringizga yozing.
7-topshiriq. Bo‘sh vaqtingizni o‘tkazish rejasini tuzish va uni xat orqali ota-onangiz yoki do‘stingizga bildiring.
8-topshiriq. Do‘stlaringiz tashabbusi yoki ular davrasida sodir bo‘lgan biron qiziqarli voqea haqida hikoya yozing.
9-topshiriq. ”Yoshlar tashabbusi” mavzusida taqdimot tayyorlang.
10-topshiriq. Ginnesning kitobidan joy olishga loyiq voqealar haqida matn tayyorlang.
11-topshiriq. Matnni o‘qing. Turli xalqlarning salomlashish odobi va uslubi haqida ma’lumot to‘plang. To‘plangan ma’lumotlaringiz asosida matn tuzing.
Odobning boshi salomdan boshlanadi. Siz erta turib, bobo-yu buvingizga albatta salom berasiz. Ota-onangizni salom bilan qarshilaysiz. Amma-yu xolangiz, tog‘a-yu amakingizni ham. Kichik uka-singillaringiz o‘z navbatida sizga salom berishadi. Bog‘chada, maktabda, ko‘cha-kuyda, jamoat harakatida kattalarga u tanish-begona demay, salom berasiz. To‘g‘ri qilasiz, “salom - Xudoning qarzi”, deydi keksalar. Salom insoniylikning ham boshi. Hatto siz yaxshi bilgan ertakda ham yalmog‘iz kampirday fe’li buzuq salom bergan qizchaga, “gar saloming bo‘lmaganda ikki yamlab, bir yutardim”, deydi. “Salom” kalomi uchun uni kechiradi.
Salomlashish - qadimiy odat. Dunyodagi barcha madaniy xalqlar o‘zaro insoniy munosabat, muomala va muloqotni salomdan boshlashadi.
Biz, o‘zbeklar, barcha islom dunyosi xalqlari singari bir-birimizni ko‘rganimizda “assalomu alaykum” deya qo‘l olishib ko‘rishamiz. “Assalomu alaykum” iborasi arabcha “sizga tinchlik tilayman” degan ma’noni bildiradi. “Vaalaykum assalom” esa “sizga ham tinchlik tilayman” javob salomi sanaladi.
12-Topshiriq. Internet saytlaridan O'zbekiston yoshlari bilan bog'liq mavzularda yangiliklar to'plang.
Do'stlaringiz bilan baham: |
