O‘quv ishlari bo‘yicha direktor o’rinbosari O. Abdiyev

4-topshiriq.“Qanday qilib muvafffaqiyatga erishish mumkin?” mavzusida esse yozing. Mamlakatimizda iqtidorli yoshlar uchun yaratilayotgan sharoitlar haqida ma’limot to‘plang.
28-MAVZU. YETUK MUTAXASSIS
Reja:

• 
  Matndagi qo‘shimcha fikrni ajratib so‘zlab berish.
  
• 
  “Sohamiz ravnaqi” mavzusida matn tuzish.
  
• 
  Matn tahlili va tahriri.
  

Habib Muhamedovich Abdullayev
(1912-1962)
Akademik Habib Abdullayev Oloy tog‘lari etagida joylashgan xushmanzara Aravon qishlog‘ida dehqon oilasida dunyoga keldi. Qishloq atrofining ajoyib tabiati, uning uyi yaqinida katta konlardan birining topilganligi Habibning qalbida geologiya faniga qiziqish uyg‘otgan. Ana shu qiziqish uni O‘rta Osiyo Industrial instituti (keyinchalik Toshkent Politexnika instituti, hozirgi Toshkent davlat texnika universiteti)ning tog‘-geologiya fakulteti sari yetakladi.
Markaziy Osiyoda geologiya fani va amaliyotida erishilgan katta muvaffaqiyatlar Xabib Muhamedovichning ilmiy faoliyati bilan bog‘liq. Uning tashabbusi bilan O‘zbekiston Fanlar akademiyasining hozir uning nomi bilan ataladigan Geologiya instituti asosida geologiyaning turli sohalari bo‘yicha to‘rtta ilmiy tekshirish instituti tashkil etildi.
Vatan urushi yillarida Habib Muhamedovich ishtirokida Bekobod metallurgiya zavodi barpo etildi. H.M.Abdullayev mamlakatimizning mineral xomashyo bazasining rivojlanishi, qazilma boylik konlarini izlash va ularni tezda ishga solishda o‘zining salmoqli hissasini qo‘shdi. U yer osti boyliklarining tarixan tashkil topishi va qaysi qatlamlarda qanday qazilma boyliklar yotishi mumkinligi haqida o‘z nazariyasini yaratdi. U fan yo‘lida har qanday qiyinchiliklardan qo‘rqmaydigan fidoyi edi. Ana shu fidoyiligi tufayli mamlakatimizdagina emas, balki Fransiya geologiya jamiyati va Buyuk Britaniya qirollik mineralogiya jamiyatining a’zosi etib saylangan.
1-topshiriq. Matnni diqqat bilan o‘qing va asosiy ma’lumotni beruvchi gaplarni belgilang.