Органик кимё фани

Бирикмаларида углерод ўзига хос хусусиятларга эга:

1. 
   Даврий системада металл ва металлмаслар ўртасида жойлашган, 4 валентли, электронейтрал хоссани намоён этади ва ковалент боғ ҳосил қилади.
   
2. 
   Углерод бошқа элементлар билан бирика олади. Углерод атомлари ўзаро боғланиб (узун) тўғри чизиқли, тармоқланган ёки халқа кўринишдаги занжирни ҳосил қилади. Углерод атомлари орасидаги боғлар-оддий, қўш ва уч боғ бўлади. Углерод-углерод боғи мустаҳкам бўлиб, кимёвий реакцияларда камдан-кам ҳолларда ўзгаради. Реакцияларда углерод скелети молекуладан молекулага ўзгармасдан ўтади. Бундай атомлар гуруҳи радикаллар деб аталади. М-н: СН₃- метил, СН₃СН₂- этил, С₄Н₉-бутил радикаллари.
   
3. 
   Органик реакциялар радикаллар билан боғланган ва реакцияга киришиш қобилияти юқори бўлган фаол функционал гуруҳлар ҳисобига кетади. Ҳозир юзга яқин функционал гуруҳлар мавжуд. М-н: С=О, -СНО, -СООН, -ОН, -NH₂, -Hal ва бошқалар.
   

Органик кимёни алоҳида фан қилиб ўқитишнинг асосий сабаблари:

1. 
   Маълум бўлган органик бирикмаларнинг турли-туманлиги ва кўплиги (7-8 млн.);
   
2. 
   Органик бирикмалар тез ўзгарувчан бўлиб, иссиқ ҳарорат таъсирида суюқланади, парчаланади ва осон ёнади.
   
3. 
   Органик бирикмалар таркибининг мураккаблиги (С₆Н₁₀О₅)_n n=10-100000;
   
4. 
   Органик бирикмалар диссоциацияланмайди, чунки углерод-углерод орасидаги боғ ковалент боғдир.
   
5. 
   Органик бирикмаларнинг реакциялари секин ва вақт ўтиши билан боради;
   
6. 
   Органик бирикмаларда изомерия ҳодисаси мавжуд. М-н: С₅Н₁₂ углеводороднинг учта изомери бор: СН₃СН₂СН₂СН₂СН₃ н-пентан, СН₃СН(СН₃)СН₂СН₃ 2-метилбутан, СН₃С(СН₃)₂СН₃ 2,2-диметилпропан.