Organizmni chiniqtirish

Terining yiringli kasalliklari (piodermiya).
Terida yiringli toshmalar, yaralarning paydo bo‘lishiga sabab shaxsiy gigiyena qoidalariga amal qilmaslik, har hafta hammomda cho‘milmaslik, ichki kiyimlarni muntazam almashtirmaslik, mash-g‘ulot paytida terining ishqalanishi, sport kiyimlari va anjomla-rining toza bo‘lmasligi.
Terining yiringli kasalliklarining oldini olish uchun shaxsiy gigiyena qoidalariga amal qilish, ichki kiyim, poyabzal, sport kiyimlari va anjomlarining toza bo‘lishini ta’minlash.
Terinining qirilishi, tilinishi va boshqa mayda jarohatlariga shu paytning o‘zidayoq yod yoki brilliant ko‘ki surtish, bular bo‘lmaganda spirt, odekalon surtish.
Og‘iz bo‘shlig‘i va tishlar parvarishi.
Kechqurun uyqu oldidan tishlarni tashqi - ichki tomonidan tish shyotkasi va pasta bilan tozalash. Tish shyotkasining yo‘nalishi milkdan tishning uchi tomon. Ovqatlanish paytida issiq va sovuq taom, ichimliklarni bir paytning o‘zida ketma-ket iste’mol qilmas-lik. Kun davomida ovqatlanishdan keyin og‘izni iliq suv bilan chayish. Og‘iz shilliq qavatida, milkda, tishlarda og‘riq paydo bo‘lishi bilanoq stomatolog shifokorga murojaat qilish. Yiliga 2 marta stomatologning profilaktik ko‘rigidan o‘tish.
Sportchining kiyimi va poyabzali gigiyenasi.
Sportchining kiyimi quyidagi gigiyenik talablarga mos bo‘lishi lozim:
1. Havoni yaxshi o‘tkazishi;
2. Issiqlikni yaxshi o‘tkazishi;
3. Suv va namlikni o‘tkazishi;
4. Elektr statiklik xususiyati.
5. Zararsizlantirish (tozalash) tadbirlarini oson o‘tkazilishi;
6. Silliq bo‘lishi, ya’ni mashg‘ulot paytida sportchining kiyimi ro‘paradan esayotgan shamol qarshiligini silliq o‘tkazib yuborish xususiyatiga ega bo‘lishi.
Kiyimning havo o‘tkazuvchanligi – bu tashqi muhit havosi bilan kiyim ichidagi havo almashinuvidir.
Doimiy ravishda teridan ter suyuqligi ajralib turadi. Jismoniy mashg‘ulot bajarganda esa terning ajralishi ko‘payadi. Ter tarkibida modda almashinuv jarayonida hosil bo‘lgan qoldiq moddalar, ya’ni mochevina, ammiak, tuzlar, bug‘, gaz bo‘ladi. Ter suyuqligini va unda erigan qoldiq moddalarni tashqi muhitga chiqarilishi, tashqi muhitdan esa toza havoni teri orqali to‘qima a’zolarga o‘tkazilishi me’yorida bo‘lishi uchun kiyim tayyorlangan matolarning havo o‘tkazish xususiyati yaxshi bo‘lishi lozim. Paxta tolasi, jun, tabiiy ipak, kanop gazlamalardan tayyorlangan kiyimlarning havo o‘tka-zuvchanlik xususiyati gigiyenik talabga javob beradi.