Orqaning chuqur muskullari

Bo'yinning yonbosh-qovurg'a mushagi (m. iliocostalis cervicis) III-VI qovurg*alar burchagining oldingi mushak birikkan joyidan ichkarida boshlanib, IV_VI bo'yin umurtqalarining ko' ndalang o'siqchasining orqa do'mbog’iga birikadi. Faoliyati: umurtqa pog 'onasini yozadi, qovurg'alarni pastga tushiradi. Bir tomonlama qisqarsa, umurtqa pog'onasini o'sha tomonga bukadi.

Eng uzun mushak (m. longissimus) umurtqa pogonasini tiklaydigan mushaklarning nisbatan katta qismini tashkil qilib.yonbosh-qovurg'a va o`tkir qirrali mushaklar ortasida yotadi. Unda uch qism: ko krakning eng uzun mushagi, bo'yinning eng uzun mushagi va boshning eng uzun mushagi tafovut qilinadi. Ko`krakning eng uzun mushagi (m. longissimus thoracis) dumg'azaning orqa yuzasi, bel va pastki ko’krak umurtqalarining ko'ndalang o'siqchalaridan boshlanib, pastki to’qqizta qovurg’aning burchagi va do'mboqchasi oralig'iga, shuningdek barcha ko'krak umurtqalarining ko'ndalang o’siqchasi uchiga birikadi.

Bo’yinning eng uzun mushagi (m. longissimus cervicis) beshta yuqorigi ko'krak umurtqalarining ko'ndalang o'siqchasi uchidan boshlanib, VI-II bo'yin umurtqalarining ko'ndalang o'siqchasini orqa do'mboqchasiga birikadi. Boshning uzun mushagi (m. longissimus capitis) I-II ko`krak va Il-VII bo"yin umurtqalarining ko' ndalang o'siqchasidan boshlanib chakka suyagi so’rg’ichsimon o`simtasining orqa yuzasiga birikadi. Faoliyati: umurtqa pog'onasini yozadi, yon tomonga bukadi Bosh qismi boshni orqaga tortib, yuzni o'z tomoniga buradi.

O’tkir qirrali mushak (m. spinalis) umurtqa pog'onasini tiklaydigan mushaklarning medial tomonida bo'yin va ko’krak umurtqalarining o'tkir qirrali o'siqchasi yonida yotadi. Joylashgan yeriga qarab bu mushakning ham uch qismi tafovut qilinadi. Ko'krakdagi o'tkir qirrali mushak (m. spinalis thoracis) II-bel va XIl, XI ko'krak umurtqalarining o'tkir qirrali o'siqchasidan 3-4 pay bilan boshlanib, yuqorigi sakkizta ko`krak umurtqalarining o'tkir qirrali o'siqchasiga birikadi. Bo`yindagi o’tkir qirrali mushak (m. spinalis cervicis) I-II ko'krak, VII bo'yin umurtqasi o'tkir qirrali o'siqchasi va ensa boylamining pastki qismidan boshlanib, II-IV bo'yin umurtqalarining o'tkir qirrali o'siqchasiga birikadi.