O’rta umumta’lim maktablarida fizikaning o’quv mashg’ulotlarini tadqiq qilish shakllari

Ta’lim shakli:
Guruhlarda ishlash.
Ta’lim metodlari:	Seminar, munozara, tezkor savol javob,
Ta’lim vositalari:	Ma’ruzalar matni, kompyuter texnologiyalari, marker, kodoskop, skotch, format qog‘ozlar
Monitoring va baholash.	Og‘zaki nazorat, savol-javob, nazorat savollari.

SEMINAR MASHG‘ULOTINING TEXNOLOGIK XARITASI.

Faoliyat bosqichlari	Faoliyat mazmuni
	О‘qituvchi	Talaba
I Kirish bosqichi (15 minut)	1.1. Mavzu nomi, rejasi, о‘quv mashg‘ulotining maqsadi e’lon qilinadi. О‘tilayotgan mavzu seminar tarzida tashkil etilishi haqida e’lon qiladi. 1.2.Mavzu rejasi asosida yoritiladi (1-slayd)	Seminar mashg‘ulotining mavzusini о‘rganib chiqadilar. Yozib oladilar
II. Asosiy bosqich (55 minut)	2.1.Tezkor – sо‘rov texnikasidan foydalanib, mavzu yuzasidan boshlang’ich savollar berilib talabalar faollashtiriladi. *1. O’rta umumta’lim maktablarida fizika ta’limini maqsadi vazifalari *2. .O’rta ta’lim maktablarida fizikani o’qitishda pedagogik texnologiyalardan foydalanish. 2.1.Fizika darsliklari haqida ma’lumot berish 2.2.Faollashtirish maqsadida O’quvchilar bilan tezkor savol –javob o’tkazish 2.3..Yakuniy xulosa qilishga talabalarni yо‘naltiradi. Javoblarni sharhlaydi, aniqlik kiritadi, tо‘g‘rilaydi. 2.6.Yakuniy xulosa keltiradi.	Savol-javobga faol qatnashadilar. Yakuniy xulosa bo’yicha o’z fikrlarini bildiradilar.
III. Yakuniy bosqich (10 minut)	3.1.Mavzuni umumlashtirib xulosa qiladi, faol qatnashgan talabalar faoliyatini tahlil qiladi. 3.2. Mustaqil ishlash uchun topshiriq beradi: mavzu yuzasidan savollarga javob yozib kelish.	Yozib oladilar

1. O’rta umumta’lim maktablarida fizika ta’limini maqsadi vazifalari.
2.O’rta ta’lim maktablarida fizikani o’qitishda pedagogik texnologiyalardan foydalanish.
3. Fizika o’qitishda laboratoriya mashg’ulotlarining o’rni va ahamiyati

K I R I SH.

Mamlakatimizda ,,Kadrlar tayyorlash milliy dasturi’’ni bosqichma-bosqich va muvaffaqiyatli amalga oshirish ko’p jihatdan o’qituvchi faoliyati, uning kasbiy nufuzini oshirish bilan bog’liqdir. Shunday ekan, sog’lom va har tomonlama barkamol avlodni yetishtirish uzluksiz ta’lim tizimida mehnat
qilayotgan pedagogning saviyasiga, tayyorgarligiga uning yosh avlodni
o’qitish va tarbiyalash ishiga bo’lgan munosabatiga bog’liqdir.
O’qituvchi jamiyatning ijtimoiy topshirig’ini bajaradi, har tomonlama
yetuk mutaxasislarni tayyorlashda o’qituvchi muayyan ijtimoiy-siyosiy pedagogik va shaxsiy talablarga javob berishi lozim. Shunday ekan, o’qituvchi mustaqillik g’oyasiga e’tiqodli, har tomonlama ilmiy tafakkurga ega, kasbiga tegishli ma’lumoti bor, ya’ni o’z fanining chuqur bilimdoni, pedagogik muloqot ustasi, pedagogik, psixologik va uslubiy bilim hamda malakalarni egallagan bo’lishi va turli pedagogik masalalarni tezda yechishi, har-xil vaziyatlarni sezishi, o’rganishi va baholay olishi kerak. U pedagogic ta’sir ko’rsatishning eng maqbul usul va vositalarini tanlay olish qobiliyatiga ham ega bo’lishi lozim.
Hamma sohada bo’lgani kabi fizika fanini o’qitishda ham o’quvchilarda bilim, ko’nikma va malakalarni shakllantirish, tizimli va mustahkam bilim berish, mantiqiy fikrlash va ijodiy qobilyatni rivojlantirishda maktabda fizika o’qitish uslubining ro’li yanada oshdi. O’zbekiston Respublikasining “Ta’lim to’g’risida” gi qonuni, “Kadrlar tayyorlash milliy dasturi” masala yechishning va laboratoriya ishlari, praktikum mashg’ulotlarini dolzarbligini yanada oshirdi.
Maktab, kollej, akademik litseylarda fizika kursining alohida bo’limlari bo’yicha darslar uyushtirish va o’tkazishda o’quv materialini tizimga solish, o’qitish jarayonini maqbul usul va yo’llar bilan boyitish, maktab o’quvchilariga nazariy asoslangan va tajribada isbotlangan fizika o’qitishni havola etish shu kunning eng dolzarb masalasidir.
O’zbekiston Respublikasi Prezidenti 1997-yil 29-avgustda O’zbekiston Oliy majlisining IX sessiyasida so’zlagan nutqida bu masalaga o’z munosabatini bildirib, yo’l qo’yilgan kamchiliklarga alohida e’tibor berdi. Asosiy masalalar zamon talab qilayotgan butunlay yangi tarkibdagi va yagona uslubdagi o’rta umumta’lim, o’rta maxsus ta’lim va oliy o’quv yurtlari islohotini o’tkazishdan iboratdir. Shu sababli ham oliy majlisning IX sessiyasida “Kadrlar tayyorlash milliy dasturi” qabul qilinib, unda ta’lim sohasida tub o’zgarishlar qilish vazifasi qo’yildi.
“Kadrlar tayyorlash milliy dasturi” fizika o’qitish uslubiyoti oldiga qator muammolarni qo’ydi:
1. O’rta umumta’lim va o’rta maxsus ta’lim soxalarida ta’lim mazmunini aniqlashtirish;
2. Mazmunan yangi va mukammal, eksperimental va barqaror dasturlarni yaratish;
3. Fizika tushunchalarini shakllantirishning psixologik-didaktik asoslarini ishlab chiqish;
4. Fizika o’qitishning eksperimental asoslarini qayta o’rganib chiqish va takomillashtirish;
5. O’quv jarayonida zamonaviy texnik kompyuter jihozlaridan foydalanish yo’llarini ishlab chiqish;
6. O’quvchilarning bilim, ko’nikma va malakalarini nazorat qilishning zamonaviy usullarini qo’llash, uning me’yorlarini ishlab chiqish va amalga tadbiq etish kabi muammolar qo’yildi.