O‘zbek tilining sohada qo‘ llanilishi

Jeyms aytib o‘tganidek: ‘Martinning “ichki makon” to‘g‘risidagi konsepsiyasi chuqur tahlilni talab qiladi.”
b)Uzunroq sitatalar satr boshidan boshlanadi, yoki kichikroq qilib yoziladi. Bu holatda, hech qanday qo‘shtirnoq qo‘llanilmaydi.Sanadan so‘ng, bet raqamining berilishi zarurdir.
s)Sitatalar asl manbadagiday bo‘lishiga alohida e’tibor qaratish zarur. Agar ma’lum bir qismlar keraksiz bo‘lsa, shu joyda (...) belgisidan foydalanishingiz mumkin: “Tarixda juda kam ixtirolar... mobil telefoniday ahamiyatga ega bo ‘lgan ” d)Ba’zi bir so‘zlar izoh talab qilishi mumkin va bunday hollarda to‘rtburchak qavslardan foydalanish maqsadga muvofiqdir:
“Yangi g‘oyalar [ozodlik haqidagi] qadimgi dunyo g‘oyalaridan butunlay farq qiladi. ”

Amaliy	REJA:
mashg‘ulot	1.Hujjatchilik tarixi.
№11	2.Hujjatchilik va adabiy til me’yorlari.
	3. Hujjat va uning turlari, hujjatlarning zaruriy qismlari.
	4.Sohaga oid hujjatlar va ularning rasmiylashtirilishi.

Rasmiy-idoraviy uslub:Davlat idoralari tomonidan chiqarilgan qarorlar, qonunlar, nizomlar, xalqaro hujjatlar rasmiy idoraviy uslubda yoziladi. Ariza, tilxat, ma’lumotnoma, chaqiruv qog‘ozi, taklifnoma, shartnoma, tarjimai hol, e’lon, tavsifnoma, hisobot kabi hujjatlar ham rasmiy idoraviy uslubda bo‘ladi. Bunday uslubdagi hujjatlar qisqa, aniq va barcha uchun tushunarli qilib tuziladi. Rasmiy idoraviy uslubning ham o‘ziga xos lug‘aviy va grammatik xususiyatlari mavjud; so‘zlar o‘z ma’nosida qo‘llanadi, ko‘pchilikka ma’lum bo‘lgan ayrim qisqartma so‘zlar ishlatiladi, har bir sohaning o‘ziga xos atamalaridan foydalaniladi. Masalan: sud ishida jinoyat, hukm, qonun; maktab ish qog ‘ozlarida maktab direktori, direktor o ‘rinbosari, sinf rahbari kabi so‘z va birikmalar ishlatiladi.
Rasmiy idoraviy uslubda ko‘pincha darak gaplardan, qaror, buyruq, ko‘rsatma kabilardan esa buyruq gaplardan foydalaniladi.
Shuningdek, bu uslubda gap bo‘laklari odatdagi tartibda bo‘lishiga rioya qilinadi.