O‘zbekiston Respublikasi Fuqarolik holati dalolatnomalarini yozish
(FHDYO) organlarida ish yuritish tartibi haqida
YO‘RIQNOMA
Ushbu Yo‘riqnoma O‘zbekiston Respublikasi Oila kodeksi, O‘zbekiston Respublikasi Vazirlar Mahkamasining 1999 yil 12 apreldagi 171-son qarori bilan tasdiqlangan «Fuqarolik holati dalolatnomalarini qayd etish qoidalari»ga (bundan buyon matnda «Qoidalar» deb yuritiladi), Adliya vazirligi hay’atining 2005 yil 27 oktyabrdagi 34-sonli qarori bilan tasdiqlangan «Fuqarolik holati dalolatnomalarini yozish organlari to‘g‘risida»gi Nizomga muvofiq O‘zbekiston Respublikasi Fuqarolik holati dalolatnomalarini yozish organlarida (bundan buyon matnda «FHDYO organlari» deb yuritiladi) ish yuritish tartibini belgilaydi.
FHDYO organlari tizimini tuman va shahar FHDYO bo‘limlari, Nikoh uylari, Qoraqalpog‘iston Respublikasi, viloyatlar va Toshkent shahar FHDYO arxivlari (bundan buyon matnda «adliya boshqarmasi FHDYO arxivi deb yuritiladi) tashkil qiladi.
Do'stlaringiz bilan baham: |
