Oʻzbekiston Respublikasi Iqtisodiyot va moliya vazirligining Davlat organlarining ichki audit tuzilmalari faoliyatini nazorat qilish boshqarmasi toʻgʻrisida vaqtinchalik nizom

2-bob. Boshqarmaning asosiy vazifalari va funksiyalari 
4. Boshqarmaning asosiy vazifalari quyidagilar hisoblanadi:
a) vazirlik tashkiliy boʻysunuvidagi tashkilotlar (jumladan markaziy apparat)
tomonidan qonunchilik hujjatlariga rioya qilinishi va funksional vazifalarning 
bajarilishi ustidan nazoratni amalga oshirish; 
b) vazirlik tashkiliy boʻysunuvidagi tashkilotlarda oʻtkazilgan nazorat 
tadbirlari davomida aniqlangan xato va kamchiliklarning bartaraf etilishi va takroran 
yoʻl qoʻyilishini oldini olish boʻyicha tadbirlarni belgilash; 
d) ichki audit milliy standartlari va boshqa uslubiy hamda normativ-huquqiy 
hujjatlarni ishlab chiqish;

---

e) Iqtisodiyot va moliya vazirligi huzuridagi Davlat moliyaviy nazorati 
inspeksiyasi (keyingi oʻrinlarda – Inspeksiya) va ichki audit xizmatlari 
xodimlarining malakasini doimiy oshirib borish ishlarini va ularni sertifikatlashni 
tashkil etish; 
f) masofaviy audit tadbirlari koʻlami va sifatini oshirish, shuningdek, ichki 
audit xizmatlariga xavflarni aniqlash va oldini olish boʻyicha uslubiy koʻmaklashish; 
g) ichki audit xizmatlari faoliyatini oʻrganish va ularning natijalarini tahlil 
qilish asosida baholash, ularning faoliyati yuzasidan hisobotlar tayyorlash va eʼlon 
qilib borish; 
h) fuqarolar ishtirokidagi audit tizimini joriy etilishini uslubiy taʼminlash
va takomillashtirish.
5. Boshqarma unga yuklangan vazifalarga muvofiq quyidagi funksiyalarni 
bajaradi: 
a) vazirlik tashkiliy boʻysunuvidagi tashkilotlar tomonidan qonunchilik 
hujjatlariga rioya qilinishi va funksional vazifalarning bajarilishi ustidan nazoratni 
amalga oshirish sohasida: 
vazirlik tashkiliy boʻysunuvidagi tashkilotlar tomonidan normativ-huquqiy 
hujjatlarini qoʻllashda qonuniylikni taʼminlash va ularga rioya qilinishi boʻyicha 
tadbirlarning oʻtkazilishi yuzasidan tekshirishlar, oʻrganishlar va tahlillar oʻtkazadi; 
vazirlik tashkiliy boʻysunuvidagi tashkilotlarda qonunchilik hujjatlariga rioya 
qilinishining nazoratini tashkil etishda hamda boshqa majburiyatlarning bajarilishi 
borasida amalga oshirilayotgan ishlarni taqdim etilgan hisobotlar va maʼlumotlar 
asosida tahlil qilib boradi;
oʻtkazilgan tekshirish, oʻrganish va tahlillar natijalari boʻyicha aniqlangan 
tizimli ravishda yoʻl qoʻyilayotgan xato va kamchiliklarning kelib chiqish 
sabablarini aniqlaydi hamda bunday holatlarga yoʻl qoʻygan mansabdor 
shaxslarning masʼuliyatini oshirish hamda qonunchilikda belgilangan tartibda jazo 
choralarini qoʻllash yuzasidan takliflar kiritadi; 
b) vazirlik tashkiliy boʻysunuvidagi tashkilotlarda oʻtkazilgan nazorat 
tadbirlari davomida aniqlangan xato va kamchiliklarning bartaraf etilishi
va takroran yoʻl qoʻyilishini oldini olish boʻyicha tadbirlarni belgilash: 
oʻtkazilgan tekshirish va oʻrganishlar natijasida aniqlangan kamchiliklarni 
bartaraf etish hamda kelgusida takrorlanishining oldini olish boʻyicha vazirlik 
tashkiliy boʻysunuvidagi tashkilotlar tomonidan chora-tadbirlar ishlab chiqilishini 
va bajarilishini nazorat qiladi; 
oʻtkazilgan tekshirish va oʻrganish natijalari boʻyicha toʻplangan hujjatlarni 
umumlashtiradi,
vazirlik tashkiliy boʻysunuvidagi tashkilotlar tomonidan qonun 
hujjatlariga rioya etilmayotganligi sabablarini tahlil qiladi; 
oʻtkazilgan tekshirish va oʻrganishlar natijalari boʻyicha aniqlangan xato
va kamchiliklarni bartaraf etish va kelgusida bunday holatlarga yoʻl qoʻyilishining 
oldini olishga doir takliflar ishlab chiqadi va bu borada profilaktik ishlarni tashkil 
etadi. 

---

d) ichki audit milliy standartlari va boshqa uslubiy hamda normativ-huquqiy 
hujjatlarni ishlab chiqish sohasida:
ichki audit xizmati faoliyatiga tegishli normativ-huquqiy hamda uslubiy 
hujjatlarni, ularga oʻzgartirish va qoʻshimchalarni ishlab chiqadi;
ichki audit xizmatlari faoliyatini baholash indikatorlari (KPI)ni ishlab chiqadi; 
xalqaro ilgʻor tajribalarni oʻrganish asosida ichki auditning yangi 
mexanizmlarini amaliyotga joriy etish boʻyicha takliflar tayyorlaydi;
vazirlik va idoralar tomonidan ishlab chiqilgan ichki audit xizmatlari 
faoliyatiga taalluqli boʻlgan normativ-huquqiy hamda uslubiy hujjatlar loyihalarini 
koʻrib chiqadi;
ichki audit xizmatlari faoliyati boʻyicha ommaviy axborot vositalarida 
maʼlumotlar berib boradi.
e) Inspeksiya va ichki audit xizmatlari xodimlarining malakasini doimiy oshirib 
borish ishlarini va ularni sertifikatlashni tashkil etish sohasida:
Inspeksiya va ichki audit xizmatlari xodimlari malakasini oshirish boʻyicha 
oʻquv dasturlarini ishlab chiqishda ishtirok etadi;
kadrlar 
tayyorlash, 
oʻquv-uslubiy 
adabiyotlarni 
takomillashtirish
va ilmiy tadqiqot faoliyati boʻyicha milliy va xorijiy oliy oʻquv yurtlari hamda ilmiy 
tadqiqot muassasalari bilan hamkorlik qiladi;
ichki audit sohasida xalqaro tashkilotlar va boshqa mamlakatlar ichki audit 
tuzilmalari hamda tajriba almashish dasturlari doirasida xalqaro aloqalar oʻrnatadi 
va rivojlantiradi;
ichki auditga oid xalqaro va milliy darajadagi uchrashuvlar, konferensiyalar, 
ilmiy muhokamalar, seminarlar va treninglarni tashkil etadi;
Inspeksiya va ichki audit xizmatlari xodimlarining malakasini oshiradi
va ularni sertifikatlash sohasidagi xalqaro tajribalarini oʻrganish hamda milliy 
tizimni rivojlantirish boʻyicha takliflar ishlab chiqadi;
Inspeksiya va ichki audit xizmatlari xodimlarini sertifikatlash tartibini ishlab 
chiqadi va mazkur tartibga asosan malaka imtihonini muvaffaqiyatli topshirgan 
talabgorlarga tasdiqlangan namunadagi malaka sertifikatlarini beradi hamda bekor 
qiladi;
ichki audit boʻyicha milliy malaka sertifikatini olgan shaxslar reyestrini 
yuritadi.
f) masofaviy audit tadbirlari koʻlami va sifatini oshirish, shuningdek, ichki 
audit xizmatlariga xavflarni aniqlash va oldini olish boʻyicha uslubiy koʻmaklashish 
sohasida:
ichki audit xizmatlari faoliyatida vazirlik va idoralarning axborot tizimlaridan 
foydalanishni tashkil etadi;
axborot texnologiyalari auditini yoʻlga qoʻyish boʻyicha takliflar tayyorlaydi;

---

ichki audit xizmatlari xodimlarining vazirlik va idoralarning axborot 
tizimlaridan foydalanish koʻnikmalarini shakllantirishga koʻmaklashadi;
ichki audit xizmatlariga masofaviy audit oʻtkazish koʻlami va sifatini 
yaxshilash boʻyicha tashkiliy va uslubiy koʻmaklashadi;
vazirlik va idoralar faoliyatiga axborot texnologiyalarini tatbiq etish boʻyicha 
takliflar ishlab chiqadi;
xavflarni aniqlash va oldini olishni tashkil etishga koʻmaklashadi;
xavf tahlillari va ichki audit tadbirlari natijalarini jamlash asosida vazirlik
va idoralarda xavf darajasini aniqlash, baholash hamda ularni minimallashtirish 
boʻyicha takliflar tayyorlaydi;
ichki audit xizmatlari faoliyati bilan bogʻliq xavflarni aniqlash, baholash
va ularni minimallashtirish boʻyicha ishlarni tashkil qiladi; 
ichki audit xizmatlarini davlat moliyaviy nazorat organlari bilan axborot 
texnologiyalaridan foydalangan holda hamkorlik qilish vositalari va mexanizmlarini 
ishlab chiqadi hamda ularni takomillashtirib borish boʻyicha takliflar kiritadi. 
g) ichki audit xizmatlari faoliyatini oʻrganish va ularning natijalarini tahlil 
qilish asosida baholash, ularning faoliyati yuzasidan hisobotlar tayyorlash va eʼlon 
qilib borish sohasida:
ichki audit xizmatlari faoliyatini ularning natijalarini tahlil qilish asosida 
oʻrganadi; 
ichki audit xizmatlari faoliyati natijalarini tahlil qiladi, baholaydi hamda 
ularning faoliyatini takomillashtirish boʻyicha choralar koʻradi;
ichki audit xizmatlari faoliyatga daxldor statistik maʼlumotlarni oladi, jamlaydi 
hamda tahlil qiladi;
ichki audit xizmatlari faoliyatini rivojlanishi boʻyicha yillik hisobotlar 
tayyorlaydi. 
h) fuqarolar ishtirokidagi audit tizimini joriy etilishini uslubiy taʼminlash
va takomillashtirish sohasida: 
ichki audit xizmatlari faoliyatga daxldor statistik maʼlumotlarni olish, jamlash 
hamda tahlil qilish; 
fuqarolar ishtirokidagi audit tizimini joriy etilishini uslubiy taʼminlash; 
fuqarolar ishtirokidagi audit tizimi natijalarini tahlil qilib borish; 
fuqarolar ishtirokidagi audit tizimini takomillashtirish boʻyicha takliflar ishlab 
chiqish.