Oʻzbekiston Respublikasi Iqtisodiyot va moliya vazirligining Davlat organlarining ichki audit tuzilmalari faoliyatini nazorat qilish boshqarmasi toʻgʻrisida vaqtinchalik nizom

---

Oʻzbekiston Respublikasi 
Iqtisodiyot va moliya vazirining
2023-yil “___” _______dagi 
____-son buyrugʻiga 
___-ilova 
 
Oʻzbekiston Respublikasi Iqtisodiyot va moliya vazirligining
Davlat organlarining ichki audit tuzilmalari faoliyatini 
nazorat qilish boshqarmasi toʻgʻrisida 
VAQTINCHALIK NIZOM 
1-bob. Umumiy qoidalar
1. Oʻzbekiston Respublikasi Iqtisodiyot va moliya vazirligining Davlat 
organlarining ichki audit tuzilmalari faoliyatini nazorat qilish boshqarmasi (keyingi 
oʻrinlarda – boshqarma) Oʻzbekiston Respublikasi Iqtisodiyot va moliya 
vazirligining (keyingi oʻrinlarda – Vazirlik) tashkiliy boʻysunuvidagi tashkilotlar 
faoliyati ustidan nazorat qilish hamda davlat organlarining ichki audit tuzilmalari 
(keyingi oʻrinlarda – ichki audit xizmatlari) faoliyatini nazorat qilish, uslubiy 
taʼminlash, xodimlar malakasini oshirish yuklatilgan Vazirlikning tarkibiy 
boʻlinmasi hisoblanadi.
2. Boshqarma oʻz faoliyatida Oʻzbekiston Respublikasi Konstitutsiyasi
va qonunlari, Oʻzbekiston Respublikasi Oliy Majlisi palatalarining qarorlari, 
Oʻzbekiston Respublikasi Prezidentining Farmonlari, qarorlari va farmoyishlari, 
Oʻzbekiston Respublikasi Hukumatining qarorlari, boshqa qonunchilik hujjatlari, 
Oʻzbekiston Respublikasi Iqtisodiyot va moliya vazirligining buyruqlari
va koʻrsatmalariga, shuningdek Oʻzbekiston Respublikasi Iqtisodiyot va moliya 
vazirligi toʻgʻrisidagi vaqtinchalik nizomiga, shuningdek mazkur Nizomga amal 
qiladi.
3. Boshqarma oʻz faoliyatini Iqtisodiyot va moliya vazirligi tashkiliy tuzilmasi, 
uning markaziy apparati va vazirlik tashkiliy boʻysunuvidagi tashkilotlar, 
Oʻzbekiston Respublikasining Hisob palatasi, davlat organlari ichki audit xizmatlari, 
davlat maqsadli va boshqa jamgʻarmalar, xalqaro tashkilotlar va moliya institutlari 
bilan hamkorlikda amalga oshiradi.