O‘zbekiston respublikasi oliy ta’lim fan va innovatsiyalar vazirligi buxoro davlat universiteti «Iqtisodiyot va turizm» fakulteti «Mehnat iqtisodiyoti»

Jahon amaliyotidan ma‘lumki, iqtisodiyotning innovatsion rivojlanishi sharoitida har qanday mamalakatning ijtimoiy-iqtisodiy hayotida turli xil ko’rinishdagi nobarqarorlik, yani aholini rasmiy ish bilan bandlik darajasining qisqarishi, ochiq va yashirin ishsizlik darajasining yuqoriligi, iqtisodiy faol aholini barcha guruhlarida norasmiy ish bilan bandlik darajasining o’sishi, ishchi kuchi sifatini pasayishi kabi tendensiyalar namoyon bo’ladi. Mutaxasislarning fikricha, ushbu holatda ishlab chiqarish sohasida ishlovchi malakali mutaxassislar soni keskin qisqarish jarayoni sodir bo’ladi. Bundan tashqari mamlakat iqtisodiy rivojlashining davriyligi, ishlab chiqarish jarayonini modernizatsiyalash hamda qayta shakllantirilishi doimiy tarzda ishchi kuchini miqdor va sifat jihatidan yangilanib borishini taqozo etadi.

Amaliyotda har qanday korxona va tashkilotlar doimo kadrlarga bo’lgan ehtiyojni boshidan kechiradi. Unga turli omillar ta‘sir ko’rsatadi: bozor, texnologik, malaka, tashkiliy, ish bilan bandlik sohasida davlat siyosati va boshqalar. Bugungi kunda g’arb firmalarida nomzodlar nafaqat ish joyiga bo’lgan talablarni, balki butun tashkilotni, uning an‘analariga, madaniyati bilan bog’liq predmetlarga fikrlarini qaratmoqdalar. Shuning uchun ularga asosiy e‘tibor sifatida atrofdagilar bilan yaxshi munosabatda bo’lishi, komandada ishlash mahorati va boshqa xislatlari nazarda tutilmoqda. Bu esa ishchi kuchining raqobatbardoshligini oshirish asosida mehnat bozorida ijtimoiy-iqtisodiy jihatdan ish bilan bandlikni ta‘minlash bo’yicha sifat ko’rsatkichlarni takomillashtirishni talab etadi.

Mehnat iqtisodiyoti xodimlar, ish beruvchilar va davlatning ijtimoiy mehnat munosabatlari sohasidagi innovatsion bilimlar tizimidir. Mehnat iqtisodiyoti fani mehnat bozorining amal etishi davrida bozor ishtirokchilarining innovatsion qarorlarini, aholini ish bilan bandligi va ular mehnatiga munosib haq to’lash bilan bog’liq davlat siyosatini tadqiq etadigan zamonaviy fan sifatida namoyon bo’lmoqda.

Mehnat iqtisodiyoti va fani taraqqiy etishning hozirgi bosqichi yangi innovatsion davr bilan bog’liq. Fan predmetining o’zida muhim o’zgarishlar ro’y berdi. Ular quyidagicha izohlanadi: