O‘zbekiston respublikasi oliy ta’lim, fan va innovatsiyalar vazirligi buxoro davlat pedagogika instituti

O‘ZBEKISTON RESPUBLIKASI
OLIY TA’LIM, FAN VA INNOVATSIYALAR VAZIRLIGI
BUXORO DAVLAT PEDAGOGIKA INSTITUTI

“TASDIQLAYMAN” Buxoro davlat pedagogika instituti direktori _______________________M.I. Daminov 20__ yil “____”___________________

UMUMIY PEDAGOGIKA
fanining
O‘QUV DASTURI

Bilim sohasi:	100000 - Ta’lim
Ta’lim sohasi:	110000 - Ta’lim
Ta’lim yo‘nalishi:	60111200 - Tasviriy san’at va muhandislik grafikasi 60111300 - Musiqa ta’limi 60112000 - Chaqiriqqacha harbiy ta’lim 60112200 - Jismoniy madaniyat Xotin-qizlar sporti 60112300 - Texnologik ta’lim 60110200 - Maktabgacha ta’lim

Buxoro 2023

Fan/modul kodi UP208		O‘quv yili 2023-2024		Semestr 3,4	ECTS – Kreditlar 8 (4/4)
Fan/modul turi Majburiy		Ta’lim tili O‘zbek/rus			Haftadagi dars soatlari 4
1	Fan nomi		Auditoriya mashg‘ulotlari (soat)		Mustaqil ta’lim (soat)	Jami yuklama (soat)
	Umumiy pedagogika		120		120	240
2	Fanning mazmuni Fanni o‘qitishdan maqsad – bo‘lajak o‘qituvchilarni zamonaviy pedagogika fanlarining nazariy va tarixiy asoslariga doir bilimlar bilan qurollantirish. Ilmiy-nazariy asoslari, pedagogika nazariyasi tushunchasi, uning kategoriya va tamoyillari, o‘quv jarayonini tashkil etishning metod va shakllariga qo‘yilgan zamonaviy talablar, ta’lim oluvchilar shaxsi omillari, uning shakllanish taraqqiyoti, yagona o‘quv-tarbiya jarayonini tashkil etish va amalga oshirish, tarbiya jarayonining qonuniyatlari va tamoyillarini amaliyotda tatbiq etish ko‘nikmasini hosil qilish. Pedagogik mahorat, pedagogik texnika va madaniyatni nazariyasi hamda amaliyoti bo‘yicha bilimli, yetuk malakaga ega bo‘lishlarini ta’minlash. Hozirgi zamon o‘qituvchisi hayotimizda yuz berayotgan tub o‘zgarishlarning asosiy ishtirokchilaridan biri bo‘lib, u har tomonlama yetuk, chuqur bilimga ega bo‘lgan mutaxassis, Vatani va xalqiga sodiq, pedagogik mahorat va layoqatga ega bo‘lgan, jamiyatdagi hamda kasb vazifalarini yaxshi bilgan shaxs etib tarbiyalash. Talabalarni o‘quv jarayonini tashkil etish va samarali boshqarishdagi pedagogik texnologiyalarning imkoniyatlaridan foydalanishga oid bilim, ko‘nikma va malakalar bilan qurollantirishdan iborat. Fanning vazifasi – pedagogik qonuniyatlar hamda tamoyillarga asoslangan holda o‘quv-tarbiya ishlarini o‘tkazish, ta’limni tashkil etishning asosiy shakllarini amaliyotda qo‘llash. Pedagogik vaziyatlarni, ta’lim va tarbiya natijalarini tahlil etish, o‘quvchilar jamoalarini o‘rganish, ta’limda orqada qolish sabablarini aniqlash, pedagogika tarixi kishilik jamiyatining taraqqiyot tarixi va hayotdagi o‘rni va ahamiyatini ochib berish. Davr talabiga javob beradigan yosh mutaxassislarni faqat nazariy bilimlarni chuqur o‘rgangan holda emas, balki ayni vaqtda buyuk insoniy fazilatlarga ega bo‘lgan muomalaga kirisha oladigan, o‘z ishini puxta egallagan mohir mutaxasislar etib tayyorlash. Bo‘lajak o‘qituvchilarni zamonaviy pedagogik texnologiyalarning nazariy asoslariga oid bilimlar bilan qurollantirish; yangi texnologiya darajasida pedagogik jarayonni samarali tashkil etish uchun zarur ko‘nikmalarni egallash; zamonaviy innovatsion texnologiyalarni keng doirada qo‘llay olishga yo‘naltirish; pedagogik faoliyatni amalga oshirishda ijodiy va metodik savodxonlikka tayyorgarlikni shakllantirishdan iborat.