O’zbekiston respublikasi oliy va o’rta maxsus ta’lim

II  BOB.  FIZIKA  FANI  SHKILLANISH  VA  RIVOJLANISH 

BOSHQICHLARI 

2.1. Fizlkaviy tushunchalarning shakillanish davri. 

 

Inson  paydo  bo’lgandan  boshlab  yashash  uchun  kurashib  keladi.  Asta- 

sekinlik  bilan  dehqonchilik,  chorvachilik  va  ov  qilish  uchun  toshdan,  bronza  va 

temirdan  ish  qurollarini  yasay  boshlashdi.  So’ngra  shaharlar  yuzaga  kelib  fan  va 

madaniyat  taraqqiy  eta  boshladi.  Fan  va  madaniyatning  ilk  markazlari 

Mesopotamiya,  Hindiston,  O’rta  Osiyo  va  Xitoy  hisoblanadi.  So’ngra  fan  va 

madaniyat  markazi  qadimgi  Yunoniston  (Gresiya)ga  ko’chadi.  Yunonistonda  fan 

va  madaniyat  rivoji  asosan  uch  davrga  bo’linadi.  Birinchi  davr  miloddan  avvalgi 

VII-V asrlar-ioniylar fan va madaniyati, ikkinchi davr-miloddan avval IV-I asrlarni 

o’z ichiga olib, uni fan tarixida ellinlar davri ham deb yuritiladi. Uchinchi davr — 

eramizning  I-VII  asrlarini  o’z  ichiga  olib,  bu  davr  yunon-Rim  davri  deb  ataladi. 

Ushbu davrlardagi fizika fanining taraqqiyotiga to’xtalamiz.  

 

Ioniylar -  «Ioniy»  so’zi  yunon qabilalaridan birining nomidan  olingan. Ular 

miloddan  avvalgi  IX-VII  asrlarda  O’rta  yer  dengizi  bo’ylarida  Kichik  Osiyoning 

G’arbiy qirg’oqlarida o’z manzilgohlarini barpo etishgan. Samos, Milet orollarida 

ilk shaharlar yuzaga kelgan.  

 Miloddan  avvalgi  VI-IV  asrlarda  Ioniyada  yashagan  faylasuflar:  Falles, 

Anaksimandr,  Anaksimen,  Geraklit,  Diogen  va  boshqalar  milet  maktabi 

nomoyondalari  hisoblanadi.  Yunon  fanining  asoschilaridan  biri  miletlik  Fales 

(miloddan  avvalgi  624-547  yillarda  yashagan)  tabiatdagi  barcha  narsalar  asosida 

suv  yotadi  deb  ta’kidlagan.  Anaksimandr-noaniq  cheksiz  narsa-«apeyron»  deb, 

Anaksimen-(mel.avvl. 585-525 y.) havo yotadi, deb tushuntiradi.  

Eramizdan avvalgi 490-430 yillarda Sisiliyada yashagan Empedokl (400- 430 

mil.  avval.)  tabiatdagi  barcha  narsalar  to’rt  unsurdan  ya’ni:  olov,  suv  havo  va 

tuproqdan  tashkil  topgan,  deb  aytadi.  Bu  unsurlar  o’zgarmas  va  abadiy  bo’lib, 

ulardan  qanday  miqdorda  ishtirok  etishiga  qarab  turli  xil  narsalar  yuzaga  keladi, 

deb  tushuntiradi.  To’rt  unsurdan  turli-tuman  narsalarning  vujudga  kelish  sababi 

ular o’rtasidagi tortishish va itarish kuchlari, deb tushuntiradi.  

 

 

Milet maktabining  yana bir namoyondasi milloddan avval (580-500  yillarda) 

yashagan buyuk faylasuf va matematik Pifagor Samoskiy olamdagi barcha narsalar 

va hodisalar sonlarga bo’ysunadi, deb ta’lim beradi. Pifagor fikricha, barcha sonlar 

ilohiy  hisoblanib,  olamni  shu  sonlar  boshqaradi.  Pifagor  va  ularning  tarafdorlari 

Yerni  shar  shaklida  va  harakatlanadi,  deb  aytishadi.  Pifagor  va  uning  maktabi 

ta’limoti  asosida  tabiat  hodisalarini  matematik  tarzda  ifodalash,  tahlil  qilish 

boshlanib,  bu  usul  hozirda  ham  keng  qo’llanilmoqda.  Pifagor  maktabi  nafaqat 

tabiat  va  unda  kechadigan  jarayonlarni  izohlash  bilan  cheklanib  qolmasdan,  balki 

bizni  o’rab  olgan  olam  qanday  tuzilganligi,  uning  harakati  sabablari  to’g’risida 

ham  ilmiy  izlanishlar  olib  borishgan.  Ushbu  maktabning  namoyondasi  astronom 

Aristarx  Samosskiy  (eramizdan  avval  320-  250  y.)  birinchi  marta  geliosentrik 

nazariyani olg’a suradi.  

Ioniylarning  falsafiy  qarashlari  zamonaviy  fizika  va  astronomiya  faniga  asos 

bo’ldi, ular ta’limotini keyinchalik yunon fani vakillari ellinlar davom ettirishadi. 

Shu o’rinda bir tarixiy haqiqatni eslatib o’tish lozim.  

Fizika  fanining  ilk  markazi  qadimgi  Yunoniston  deb  e’tirof  etiladi.  Ammo 

tabiiy fanlarning kurtaklari avvalo bizning Ona zaminimizda yuzaga kelgan. O’rta 

Osiyo  hududida  bundan  3  ming  yillar  avval  yuksak  fan  va  madaniyat  vujudga 

kelganligini  tarixiy  hujjatlar  ko’rsatmoqda.  Mustaqillik  tufayli  biz  milliy 

qadriyatlarimizni 

o’rganish 

baxtiga 

muyassar 

bo’layapmiz. 

Shunday 

qadriyatlarimizdan  biri  zardushtiylik  dini  va  uning  muqaddas  kitobi  «Avesto» 

hisoblanadi.  «Avesto»  bundan  2700  yil  avval  ajdodlarimiz  tomonidan  yaratilgan 

bo’lib,  unda  bizning  atrofimizdagi  tabiat  hodisalari,  olamning  asosi,  o’zgarishlar 

to’g’risida  chuqur  va  mukammal  bilimlar  berilgan.  Avestoda  olamning  asosida 

to’rt  unsur  (havo,  suv,  olov  va  tuproq)  yotganligi  qayd  etiladi.  Shunday  fikrni 

ioniylar asarlarida ham uchrashini yuqorida qayd etgan edik.  

Demak,  qadimgi  Yunonistondan  fan  va  madanyatidan  ancha  oldin  bizning 

ona  zaminimizda  fan  va  madaniyati  yuzaga  kelganligi  ayon  bo’ladi.  Ammo  arab 

istilochilari  va  boshqa  bosqinlar  tufayli  qadriyatlarimiz  deyarli  saqlanmagan 

Ellada-qadimda Yunoniston davlati  yunon tilida shunday atalgan. Bu  davlat O’rta 

 

 

 

Demokrit 

(460-370)

 

yer dengizining Sharqida joylashgan. Ellinlar davri miloddan avvalgi IV-I asrlarni 

o’z ichiga oladi (Miloddan avvalgi 323-30 yil,  ya’ni Misr Rimga bo’ysundirilgan 

yilgacha).  

Miloddan  avvalgi  V  asrlardan  boshlab  fan  va  madaniyatning  buyuk  vakillari 

fizika  fani  taraqqiyotida  yangi  davrni  boshlab  berishdi.  Ushbu  davrda  olamdagi 

narsalarning tuzilishi to’g’risida atom nazariyasi vujudga keldi.  

1.  Demokrit  (miloddan  avval  (460-370)  yillarda 

yashagan  va  u    moddalar  tuzilishi  atom  nazariyasining 

asoschisi  hisoblanadi.  U  dunyoning  juda  ko’p 

mamlakatlari:  Misr,  Vavilion  va  Eronga  safar  qilgan. 

Demokrit  matematika,  fizika  va  falsafaga  doir  ko’plab 

asarlar  yaratgan,  lekin  bizgacha  ularning  asl  nusxasi 

saqlanmagan.  Uning  atom  nazariyasi  boshqa  olimlar 

asarlarida  qayd  etiladi.  Demokritning  moddalar  tuzilishi 

atom nazariyasining asosiy tushunchalari quyidagilar hisoblanadi:  

1. 

Hyech  nimadan  hyech  nima  paydo  bo’lmaydi.  Bor  narsalar  yo’qolmaydi. 

Hamma o’zgarishlar bo’linish va qo’shilishlar tufayli hosil bo’ladi. 

2. 

Hyech nima tasodifiy paydo bo’lmaydi, ular ma’lum sabab va zarurat tufayli 

hosil bo’ladi. 

3. 

Atom  va  cheksiz  sof  bo’shliqdan  boshqa  narsa  yo’q.  Boshqa  hammasi 

shunday tuyuladi. 

4.   Atomlar son-sanoqsiz va shakl jihatdan turlichadir. 

5.  Moddalar  orasidagi  farq  undagi  atomlar  soni,  shakli,  miqdori  va  tartibi  bilan 

belgilanadi.   

 

 

 

6.  Ruh  (jon)  ingichka  silliq  va  dumaloq  atomlardan  tashkil  topgan  bo’lib,  olov 

atomlariga o’xshaydi. Bu atomlar o’ta harakatchan, barcha jismlar orqali o’ta oladi 

va shu tufayli hayot yuzaga keladi.  

Demokrit  fanda  deduktiv  usulni  qo’llaydi.  Tabiat  hodisalarini  mantiqiy 

mulohazalar orqali tushuntirishga intiladi. Shunday rivoyat bor: Demokrit fikricha, 

 

 

insonning chuqur mulohaza yuritishiga uning ko’rish qobiliyati to’sqinlik qiladi. U 

fikrini isbotlash uchun  o’z ko’zini ko’r qiladi.  

U birinchi bo’lib tabiatshunoslikka  atom tushunchasini kiritadi. Atom-so’zi 

«a» - «inkor», «tomas» - bo’linish so’zlaridan olingan bo’lib, «bo’linmas zarracha» 

degan  ma’noni  anglatadi.  Demokrit  shunday  mulohaza  yuritadi:  agar  deydi  u: 

«biror narsani ikki bo’lakka bo’lib, uning bir bo’lagini yana ikkiga bo’lsak va shu 

tartibda bo’lishni davom ettirsak, nihoyat  

shunday  bir  bo’lakchaga  duch  kelamizki,  u  boshqa  bo’linmaydi».  Ana  shu 

bo’linmas  zarrachani  Demokrit  atom  deb  ataydi.  Tabiatdagi  barcha  narsalar  ana 

shunday atomlardan tashkil topgan deb tushuntiradi.  

Hozirgi  fan  nuqtai-nazaridan  fikr  yuritadigan  bo’lsak,  Demokrit  nazariyasi 

kamchiliklardan  am  holi  emas,  ya’ni  unda  atomlar  harakati  va  ularning  o’zaro 

ta’siri  to’g’risida  so’z  yuritilmaydi.  Demokrit  nazariyasi  keyinchalik  Epikur 

tomonidan  rivojlantirildi  va  u  moddalar  tuzilishining  zamonaviy  molekulyar-

kinetik nazariyasi yaratilishiga asos bo’ldi.  

2. Platon - Aflotun (miloddan avval 427-347). Afina idealistik falsafa maktabi 

asoschisi.  Platon  birinchi  akademiya  asoschisidir,  u  fan  tarixida  «Platon 

akademiyasi»  deb  yuritiladi  (miloddan  avvalgi  taxminan  387  y).  U  mashhur 

faylasuf  Suqrotning  shogirdi.  Aflotun  akademiyasida  muloqot  san’ati,  mantiqiy 

fikrlash, matematik isbotlash kabi usullar keng rivoj topdi. Aflotun akademiyasini 

hozirgi  zamon  universitetlarining  birinchi  namoyondasi  deyish  mumkin.  Ushbu 

davrda yunon tili yagona fan tili bo’lib shakllandi.  

3. Aristotel – Arastu, sharqda «birinchi muallim» nomi bilan mashhur. U 384 

yilda  (eramizdan  avval)  tug’ilgan,  Platonning  shogirdi.  Platon  vafotidan  keyin  u 

Afinadan  safarga  chiqib,  343-340  yillarda  Yunoniston  podshohi  Filipp 

Makedonskiy  saroyida  yosh  Aleksandr  Makedonskiy  (Iskandar  Zulqarnayn)ning 

tarbiyasi bilan shug’ullanadi. 335 yilda Afina  shahrida maktab «Likey» ochadi va 

uni  12  yil  boshqaradi.  Aleksandr  Makedonskiy  vafotidan  keyin,  u  Afinani  tark 

etishga majbur bo’ladi. 322 yilda 63 yoshida Xalkida vafot etadi. Uning quyidagi 

asarlari bizgacha  yetib kelgan:  «Fizika»,  «Osmon to’g’risida»,  «Paydo bo’lish  va 

 

 

yo’qolish»,  «Metrologiya»,  «Muammolar»,  «Mexanika».  Aristotel,  Platon  va 

Pifagorlarning    mantiqiy  bilish  nazariyasini  tanqid,  qilib,  fizikani  kuzatishlar  va 

mantiq asosida yaratishga intildi.  

 

Aristotelning  ilmiy  merosi  orasida  biz  uchun  qiziqarlisi  uning  dinamikaga 

doir  ilmiy  qarashlari  bo’lib,  undan  Galileyga  qadar  Ovrupoda  darslik  sifatida 

foydalanib kelindi. Aristotel fikricha tabiatda hamma narsa harakatda,  u harakatni 

tabiiy va majburiy harakatlarga bo’ladi. U olamni ham ikkiga bo’ladi: Oy ostidagi 

o’zgaruvchan,  yuzaga  keluvchan,    yo’qoluvchan  hodisalar  va  narsalar  hamda 

abadiy  qoluvchi  oydan  yuqoriga  joylashgan  yulduz  va  fazoviy  jismlar. 

Aristotelning  ushbu  fikr  va  mulohazalari  kundalik  kuzatuvlar  va  mantiqqa 

asoslangan.  U  Yerni  olam  markazi,  ya’ni  barcha  samoviy  jismlar  Yer  atrofida 

aylanadi, deydi. Kundalik hayotda og’irroq jismlar Yer markazi tomon, yengilroq 

jismlar  (havo,  olov)  yuqoriga  olam  shariga  intiladi,  deb  izohlaydi.  Aristotel 

mexanik  harakatning  sababchisi  unga  qo’yilgan  birinchi  turtki,  deb  qaraydi. 

Gorizontga  otilgan  jismlar  harakatini  tushuntirishda  Aristotel  quyidagicha  fikr 

yuritadi:  Otilgan  jismlar  harakatining  sababchisini  muhit,  ya’ni  havo  bo’lib,  jism 

siljiganda  u  egallagan  joyda  bo’shliq  (vakuum)  vujudga  keladi.  Bo’shliqni 

to’ldirish uchun havo jismga turtki beradi va harakat shu zaylda davom etadi, deb 

tushuntiradi.  

Ushbu  nazariyaga  asosan  jismlar  havosiz  bo’shliqda  cheksiz  katta  tezlik 

bilan harakatlanishi lozim edi, ammo kundalik kuzatishlar buning aksini ko’rsatadi. 

Shu sababli, Aristotel atom tuzilishi tarafdorlari fikriga qarama-qarshi (ya’ni olam 

atom  va bo’shliqdan tashkil  topgan degan fikrga) bo’shliq  yo’q, deb fikr  yuritadi 

va bu fikr Torichelli tajribasigacha o’zgarishsiz qoladi.  Keyinchalik, Aristotelning 

bu fikri fizikaga «Efir» tushunchasini kiritishga ham sabab bo’ladi.  

Aristotelning  dinamikaga  doir  ilmiy  qarashlarining  ikkinchisi  jismlarning 

erkin tushish tezligi uning og’irligiga to’g’ri proporsional deb qarashi hisoblanadi. 

Bu  xulosa  kundalik  kuzatishlarga  to’g’ri  keladi,  masalan;  olma,  olma  bargiga 

nisbatan yerga kattaroq tezlik bilan tushadi. Buning sababini Aristotel quyidagicha 

talqin etadi. Jismlar Yer sirtiga yaqinlashgan sari og’irligi orta boradi va unga mos 

 

 

holda  tezligi  ham  ortadi  deb  tushuntiradi.  Ushbu  fikrning  Galiley  tomonidan 

keyinchalik noto’g’ri ekanligi isbotlanadi.  

Aristotelning  kinematikaga  doir  o’zaro  perpendikulyar  ko’chishlarni 

qo’shishi  hozirgi  qoidaga  to’g’ri  keladi.  Ya’ni,  u  gorizontga  otilgan  jismlar 

harakatini  ikkita  gorizontal  va  vertikal  tashkil  etuvchilarga  ajratadi  va  natijaviy 

harakat egri chiziqli (parabola) bo’lishini ko’rsatadi.  

Aristotelning  statikaga  doir  fikrlari  hozirgi  fikrlarga  mos  keladi.  Aristotel 

richaklarning  (pishang)  muvozanatlilik  shartini,  tarozi  va  bloklar  nazariyasini 

to’g’ri tushuntirib beradi.  

Aristotel  o’zininng  «Muammolar»  asarida  musiqa,  metrologiya,  amaliy 

mexanika, kinetik energiya tushunchasiga yaqin fikrni, osmotik bosim, tovushning 

havoda  tarqalishi,  yorug’likning  qaytish  qonuni  va  yorug’likning  tarqalish  tezligi 

borasida to’g’ri fikrlarni olg’a suradi. 

 Aristotelning  fizikaga  doir  ishlari,  albatta,  fizika  fani  rivojiga  ulkan  hissa 

qo’shdi.  Ilk  bor  Aristotel  o’zining  «Fizika»  nomli  kitobida  fizika  fanining 

shug’ullanish  sohasini  aniqlab  bergan  edi.  Fizika  fani  tabiat  va  undagi 

hodisalarning  sababini  o’rganishini  ta’kidlab  o’tgan.  Uning  ushbu  tushunchasi 

fizika fanining zamonaviy predmetiga mos keladi.  

Aristotel fizik hodisalarni izohlashda matematikadan foydalanmaydi. Uning 

asosiy  ilmiy-izlanish  usuli  kuzatish,  mantiq,  va  dialektika  bo’lgan.  Aristotel 

Demokritni  va  uning  tarafdorlari  Anaksagor,  Levkipplarning  olamda  atom  va 

bo’shliqdan boshqa narsa yo’q degan fikrlariga qarshi chiqib, bo’shliq (vakuum) va 

vaznsizlik holati bo’lishi mumkin emas deydi. Aristotel olamni cheksiz deb e’tirof 

etib, Yerni olamning markazi deb hisoblaydi va geosentrik nazariyani olg’a suradi. 

Aristotel va uning shogirdlarining kamchiligi shunda ediki, ular tajriba natijalariga 

tanqidiy  yondoshmaganlar  va  shoshma-shosharlik  bilan  xulosa  chiqarishgan. 

Shunga  qaramasdan,  Aristotelning  ilmiy  merosi  fizika  fanining  keyingi 

taraqqiyotiga ulkan hissa qo’shdi.  

 

 

Aleksandr  Makedonskiy  vafotidan  keyin  Aristotel  Afinadan  qochishga 

majbur  bo’ladi.  Fanning  taraqqiyoti  Afinadan  Misrning  Aleksandriya  shahriga 

ko’chadi. Aristotelning shogirdi Demetriy Falerskiy tomonidan (miloddan avvalgi 

III  asr)  «Aleksandriya  muzeyi»  tashkil  etiladi.  Ushbu  muzey  Aristotel  va  boshqa 

ko’pgina  olimlar  asarlarini  to’plash  va  nashr  etish  bilan  shug’ullanadi  va 

milodgacha  47  yilda  700000  tomlik  boy  kutubxona  yuzaga  keladi.  Dunyoning 

hamma  tomonidan  olimlar  to’planib,  fan  va  madaniyatni  rivojlantirishdi. 

Aleksandriya  kutubxonasi  miloddan  avvalgi  47  yilda  qisman  rimliklar  tomonidan 

yondirib  yuborildi,  qolgan  qismi  eramizning  391  yili  va  qoldiqlari  esa  VII-VIII 

asrlarda  yo’qolib  ketadi.  Ushbu  ilm  dargohida  yunonistonlik  olim  Arximed  ham 

ta’lim olgan.  

Arximed miloddan avvalgi  287 yilda Sirakuz (Sisiliya yarim oroli) shahrida 

astronom  olim  Fidey  oilasida  dunyoga  keladi.  U  asosiy  bilimni  Aleksandriya 

muzeyida  oladi.  U  dastlab  Misrning  Nil  daryosida  ko’priklar,  dambalar  quradi, 

Arximed vinti degan suv ko’targich, 40 ga yaqin mexanizmlar ixtiro qiladi.  

 

Arximed  statika  va  gidrostatika  asoschisi.  U  jismlarning  og’irlik  markazi, 

richaklar nazariyasini  yaratdi. Richakning muvozanatlilik sharti: teng  og’irlikdagi 

yuklar  teng  yelkalarda  muvozanatda  bo’ladi.  U  gidrostatikaning  asosiy  qonunini 

ochadi: "gaz va suyuqliklarga botirilgan jismga shu jism siqib chiqargan gaz yoki 

suyuqlik  og’irligiga  teng  pastdan  yuqoriga  yo’nalgan  itaruvchi  kuch  ta’sir  etadi". 

Arximed  tomonidan  ushbu  qonunning  ochilishi  haqida  qiziqarli  rivoyat  mavjud. 

Aytilishicha,  Sirakuz  podshosi  Giyeron  sof  oltindan  toj  yasashni  zargarga 

buyuradi.  Toj  tayyor  bo’lgandan  so’ng  Giyeron  toj  sof  oltindan  yasalganligiga 

shubha  qiladi.  Bu  masalani  oydinlashtirishni  u  Arximedga  buyuradi.  Arximed 

zamonida  turli  xil  metallarning  solishtirma  og’irligi  ma’lum  bo’lgan,  ya’ni; 

v

p

d



 munosabat orqali  aniqlangan. U toj og’irligini tarozida tortib oladi, ammo 

uning hajmini qanday aniqlashni bilmaydi. Chunki   Arximed  zamonida 

muntazam  geometrik  shakldagi  jismlar  silindr,  shar,  kub  kabilarning  hajmini 

aniqlashni  bilar  edilar.  Ammo  u  murakkab  shakldagi  toj  hajmini  o’lchashning 

yo’lini  topa  olmay  qiynalib  yurar  edi.  Kunlardan  bir  kun  u  suv  to’la  vannaga 

 

 

tushadi,  qarasa  suv  vannadan  toshib  to’kiladi.  Shunda  yo’lini  topdim  (evrika)  deb 

ayyuhannos  soladi  va  quyidagicha  mulohaza  yuritadi:  Suyuqlikka  botirilgan  jism 

o’z hajmiga teng suyuqlikni siqib chiqaradi, degan xulosaga keladi. Shu usul bilan 

u  tojning  hajmini  o’lchab,  uning  solishtirma  og’irligini  aniqlaydi,  tojning 

solishtirma  og’irligi  oltinning  solishtirma  og’irligidan  kichik  chiqadi.  Shunday 

qilib, toj uchun berilgan oltinning bir qismi zargar tomonidan olib qolinib, o’rniga 

kumush  qo’shilganligi  ayon  bo’ladi.  Shoh  Giyeron  zargarni  jazolaydi.  Shunday 

qilib, hayotiy zarurat buyuk kashfiyotning yuzaga kelishiga sabab bo’ladi.  

Optika.    Aleksandriya  maktabi  optikaga  doir  ilmiy  ishlarni  ham  amalga 

oshiradi.  Optika,  ya’ni  yorug’lik  va  kishining  ko’rish  qobiliyati  (fiziologiya)  ni 

o’rganishgan. Eng avvalo Ptolemey va uning shogirdlari tomonidan maxsus modda 

«flyuid»  tomonidan  yorug’lik  kishining  ko’zidan  chiqib  moddalarga  tushadi  va 

undan  qaytib  ko’zimiz  tomonidan  seziladi,  deb  tushuntirilgan.  Atom  tuzilishi 

tarafdorlari  esa  yorug’lik  jismlar  tomonidan  chiqariladi  va  u  ko’zimizga  tushib, 

sezgi  uyg’otadi,  degan  fikrni  olg’a  surishdi.  Platon  bu  ikkala  nazariyani 

birlashtirib,  quyidagi  fikrni  aytadi.  Jismlardan  maxsus  flyuid  chiqib,  ko’zimizdan 

chiqayotgan  yumshoq  flyuid  bilan  uchrashadi,  agar  ikkala  flyuid  bir-biriga 

o’xshash bo’lsa, ko’zimiz ko’ra oladi, aks holda ko’zimiz narsalarni sezmaydi, deb 

aytadi.  Platonning  ushbu  fikrlari  zamonaviy  fan  xulosalariga  yaqin  keladi,  ya’ni 

inson ko’rish qobiliyatining chegarasi yorug’likning to’lqin uzunligi λ = 4000 dan 

7000  A  gacha  bo’lgan  sohada  to’g’ri  keladi.  λ  <  4000  A

0

  kichik  nurlar 

ultrabinafsha, λ > 7000 A

0

 dan katta to’lqin uzunlikdagi nurlar infraqizil nurlar deb 

ataladi. Bu nurlarni ko’zimiz seza olmaydi.  

Yevklid  optikasi    (miloddan  avval  330  —  275  y.).  U Optika  faniga  yangicha usul 

bilan  yondashadi,  «Optika»  va  «Katoptrika»  nomli  asarlarini  yozadi.  U  optika 

hodisalarini  geometriya  asosida  tushuntiradi.  Uning  birinchi  postulati:  «Ko’zdan 

chiqqan nurlar to’g’ri chiziq bo’ylab tarqaladi».  

Ikkinchi  postulati:  «Ko’zdan  chiqqan  nurlar  hosil  qilgan  tasvir  konus  shaklida 

bo’lib, konus balandligi ko’zda bo’lib, asosi esa jismlarda bo’ladi».  

 

 

 

Yevklid  o’ndan  ortiq  postulatlar  yordamida  jismlar  tasviri,  soya  hosil 

bo’lishini  tushuntiradi.  U  «Katoptrika»  asarida  yassi  va  sferik  ko’zgularda  tasvir 

hosil  bo’lishini  ko’rsatib  beradi.  «Kotoptrika»  asarida  Yevklid  yorug’likning 

sinishiga doir tajribani keltiradi. Agar biror idish tubiga kichikroq buyumni qo’yib, 

u ko’rinmay qolguncha egilsak va idish suvga to’ldirilsa buyum yana ko’rinadi.  

U  «Botiq  ko’zgu  bilan  quyosh  nuri  yordamida  alanga  hosil  qilish 

mumkinligi»ni aytadi. Shunday qilib Yevklid zamonaviy geometrik optika asosini 

yaratadi hamda uning amaliy qo’llanilishini ko’rsatib beradi.  

  O’rta asrlar sharqida ilmiy izlanishlar: 

Al-Xorazmiyning  «Az-zij  al-Xorazmiy»,  («Astronomik  jadval»)  asari,  o’zi 

saqlanmagan  bo’lsada,  1126  yildagi  lotin  tilidagi  tarjimasi  saqlangan,  Nyut  va 

Gershellar  davrigacha  asosiy  astronomik  jadval  sifatida  foydalanilgan.  U  Yerning 

1

0

ga  to’g’ri  keluvchi  meridianini  aniqlagan.  Aniqlik  darajasi  1%  dan  kichik; 

111815 metr (hozirgi hisob bo’yicha 110938). Matematika va astronomiya tarixida 

VII-XV  asrlar  orasida  yuzga  yaqin  «Zij»  yaratilganligi  ma’lum.  Shular  orasida 

Mas’udiy, Ulug’bekning «Ziji Ko’ragoniy»lari bo’lib, Xorazmiyning ziji O’rta asr 

Sharqida eng qadimgi zij hisoblanadi.  

Xalifa  al-Ma’mun  «Donishmandlar  uyi»  olimlariga  osmon  va  Yerning 

batafsil  xaritasini  tuzishni  buyuradi.  Bu  muammo  ustida  ko’p  olimlar  ish  olib 

borishadi,  Xorazmiy  ularga  rahbarlik  qiladi.  Natijada  840  yilda  «Majmui  al-

Ma’mun»  (Dunyo  xaritasi)  nomli  asar  nihoyasiga  yetkaziladi.  Ushbu  asarga  doir 

Xorazmiy  «Surat  al-arz»  (Yer  surati)  nomli  risola  yozadi.  Xorazmiyning  ushbu 

asari  juda  ko’plab  sharqshunos  olimlarni  qiziqtirib  kelgan.  Shulardan  biri  chex 

olimi Gans Mjik 1926 yilda ushbu asarni to’laligicha arab tilida nashr ettirgan.  

Xorazmiyning ushbu asarida 537 joy nomlari, 203 ta tog’ nomlari, dengizlar 

va orollarning nomlari va nihoyasida daryolarning nomlari berilgan.  

Amerikalik sharqshunos olim D. Sarton «Xorazmiy barcha zamonlarning eng 

ulug’  matematiklaridan  biridir»,  —  deb  ta’kidlaydi.  Xorazmiy  buyuk  olim, 

murabbiy va ko’pgina tabiiy fanlarning asoschisi hamdir.  

 

 

Al-Farg’oniy  Farg’ona  vodiysining  Qubo  (Quva)  qishlog’ida  tug’ilgan.  813 

yilda  arab  xalifaligi  taxtiga  Xorun  ar-Rashidning  o’g’li  Abdulloh  (al-  Ma’mun) 

o’tiradi.  Al-Farg’oniy  Bog’doddagi  «al-Ma’mun»  akademiyasida  (Baytul  hikma) 

faoliyat  olib  boradi.  Bu  akademiya  ixtiyorida  ikkita  rasadxona  faoliyat  ko’rsatar 

edi.  Biri  Bog’dod  shahrining  ash-Shammosiya  mavzesida  bo’lib,  ikkinchisi 

Damashq  shahri  yaqinidagi  Kasiyun  tepaligida  edi.  Al-Ma’mun  akademiyasida 

buyuk matematik va astronom, vatandoshimiz al- Xorazmiy faoliyat ko’rsatar edi. 

Al-Farg’oniy ilm izlab Farg’onadan Bog’dodga borib, al-Xorazmiy bilan tanishadi 

va  uning  rahbarligida  Damashq  shahridagi  rasadxonada  o’z  ilmiy  izlanishlarini 

davom  ettiradi.  Vatandoshimiz  Abu  Rayhon  Beruniyning  guvohlik  berishicha,  al-

Farg’oniy  Suriya  shimolidagi  Sinjor  sahrosida  832-833  yillarda  Tadmur  va  ar-

Raqqa  oralig’ida  yer  meridianining  bir  darajasi  uzunligini  o’lchashda  ishtirok 

etganligini  ta’kidlaydi.  Al-Farg’oniyning  asosiy  astronomik  asari  «Samoviy 

harakatlar va umumiy ilmi nujum haqida kitob» (Kitob al- harakat as-samoviya va 

javomi’  ilm  an-nujum)  XII  asrda  Ovrupoda  ikki  marta  lotin  tiliga  va  XIII  asrda 

boshqa  Ovrupo  tillariga  tarjima  qilinadi.  Natijada,  uning  lotinlashtirilgan  nomi 

«Alfraganus»  shaklida  G’arbda  keng  tarqaladi.  Uning  ushbu  kitobi  Ovrupa 

universitetlarida astronomiyadan asosiy darslik vazifasini o’tagan.  

Al-Farg’oniyning  faqat  ikkita  asari  o’rganilgan,  qolganlarini  o’rganish  o’z 

navbatini  kutib  yotibdi.  Uning  asarlari  to’liq  tahlil  qilinsa,  alloma  bobomiz 

ijodining yangi qirralari ochiladi va uni jahon fani va madaniyatiga qo’shgan ulkan 

hissasi yanada yaqqolroq namoyon bo’ladi.  

Al-Farg’oniy  nafaqat  nazariyotchi  olim,  balki  asl  amaliyotchi  muhandis  ham 

bo’lgan.  U  o’z  hayoti  davomida  rasadxona  qurilishiga,  astronomik  asbob  va 

uskunalar  yasashga  boshchilik  qilgan.  U  Nil  daryosida  suv  sathini  o’lchaydigan 

asbob  (nilometr)  yaratib,  uni  ishlatish  yo’llarini  ko’rsatib  bergan  va  o’zi  ham 

shaxsan  ishtirok  etgan.  Chunki  Nil  daryosi  yoqasida  istiqomat  qiluvchi  aholining 

dehqonchilik  ishlarini  boshlashi  uchun  qurg’oqchilik  va  suv  toshqinlaridan 

ogohlantirib  turish  o’sha  paytlarda  muhim  ahamiyatga  ega  bo’lgan.  Nilometr 

asbobining  ishlashi  fizikadan  hozirgi  kunda  ma’lum  bo’lgan  tutash  idishlar 

 

 

qonuniga  asoslangan.  Demak,  tutash  idishlar  qonunini  al-Farg’oniy  amalda 

qo’llagan.  Ammo  fizika  tarixida  tutash  idishlar  qonuni  XVII  asrda  yashagan 

Fransuz olimi  Blez Paskal nomi bilan bog’lanadi. Ayon bo’ladiki, vatandoshimiz 

Al-Farg’oniy  tutash  idishlar  qonunini  Ovrupa  olimlaridan  800  yil  avval  amaliy 

sohalarda qo’llagan.  

 

Mustaqillik  tufayli  buyuk  ajdodlarimizning  bebaho  ilmiy  meroslaridan 

bahramand  bo’lish  baxtiga  erishdik.  Mustaqillik  tufayli  ulug’  alloma  vatani 

Farg’onada  uning  nomiga  ulkan  bog’  va  memorial  haykali  o’rnatilib,  1998  yilda 

Al-Farg’oniyning 1200 yillik to’yi Respublika miqyosida keng nishonlandi. 

Abu  Nasr  Muhammad  ibn  Muhammad  ibn  Uzlug’  Tarxon-Sirdaryo 

yoqasidagi  Forob    (O’tror)  degan  joyda  tug’ilgan.  Sharq  mamlakatlarida  uning 

nomi ulug’lanib, «Al-Muallim as-soniy», «Ikkinchi muallim» (Aristoteldan keyin) 

yoki  Sharq  Aristoteli  deb  yuritilgan.  U  boshlang’ich  ma’lumotini  ona  yurtida, 

so’ngra Toshkent (Shosh), Buxoro, Samarqandda oladi. Keyinroq o’z ma’lumotini 

oshirish  maqsadida  arab  mamlakatlarining  madaniyat  markazi  Bog’dodga  keladi. 

U  70  dan  ortiq  tilni  bilgan,  941  yildan  boshlab  Damashqda  yashagan.  Shahar 

chekasidagi  bog’da  qarovul  bo’lib  kamtarona  hayot  kechirgan.  U  950  yilda 

Damashqda vafot etadi va «Bob assag’ir» qabristonida dafn etiladi.  

Forobiyning  fizikaga  va  matematikaga  doir  asarlari  —  «Hajm  va  miqdor 

haqida so’z» (Kalom fi-l xiyz va-l miqdor), «Fazo geometriyasiga kirish haqidagi 

qisqartma  kitob»  (Kitob  al-madhal  ila-l  handasat  al-vaxmiyati  muxtasarsan), 

«Astrologiya  qoidalari  haqida  mulohazalarni  to’g’rilash  usuli  haqida  maqola» 

(Maqola  fi-l  jihat  allayati  yassehu  alayho  al  qavl  bi  ahkom  an-nujum),  «Fizika 

usullari haqida kitob» (Kitob fi usul ilm at-tabiat).  

 

Forobiy  «Yulduzlar  haqidagi  qoidalarda  nima  to’g’ri,  nima  noto’g’riligi 

to’g’risida»  risolasida  osmon  jismlari  bilan  Yerdagi  hodisalar  o’rtasidagi  tabiiy 

aloqalarni,  xususan,  bulutlar  va  yomg’irlar  paydo  bo’lishining  Quyosh  issiqligi 

ta’sirida  bug’lanishiga  sababiy  bog’liqligini  yoki  Oy  tutilishini  Yerning  Quyosh 

bilan Oy o’rtasiga tushib qolishi deb tushuntiradi.  

 

 

  

Umar Xayyom 

(1048-1131) 

 

 

 

 

 

 

 

G’iyosiddin Abdulfotih Umar Ibn al-Xayyom an-Nishopuriy 18 may 1048 yil 

Nishopur  shahrida  dunyoga  kelgan.  «Xayyom»  so’zi  -  chodir  degan  so’zdan 

olingan, ya’ni uning otasining  kasbi chodir yasaydigan usta bo’lgan. U 1131 yilda 

Nishopurda  vafot  etgan.  U  asosan  matematik  va  astronom  sifatida  mashhur 

bo’lgan.  

Ammo  uning  ruboiylari  ham  olamga  mashhurdir.  U  50  ga  yaqin  kitoblar 

yozgan, ammo bizgacha yetib kelmagan.  

U  binomial  teoremani  Nyutondan  550  yil  avval 

ixtiro  qilgan.  «Arifmetikaning  qiyin      savollari», 

«Algebra  va  al-muqobala  masalalarining  isboti 

to’g’risida»  asarlari  mashhurdir.  Navro’z  bayramining 

22  martda  nishonlanishini  va  u  33  yillik  sikl  bilan 

bo’lishini  ko’rsatgan.  33  yildan  25  yili  oddiy,  8  yili 

kabisa  yili  deb  ataladi.  U  Balx,  Buxoro,  Samarqand  va 

boshqa  shaharlarda  o’qib  ulg’ayadi,  1074  yildan 

boshlab Isfahon rasadxonasiga rahbarlik qiladi.  

Umar  Xayyom  kalendari  1079  yildan  boshlab  qo’llanila  boshlangan. 

Yevropaga  qabul  qilingan  Grigoryan  kalendaridan  500  yil  oldin  u  o’zining 

kalendarini ixtiro qilgan edi. Uning «Navro’znoma» asarida oy nomlari, bayramlar, 

turli  xil  afsonalar  keltiriladi.  Xayyom  bir  necha  asarlarida  Ibn  Sino  fikrlarini 

targ’ib etadi va o’zini uning shogirdi deb qaraydi. Umar Xayyomni biz ruboiylari 

bilan  shoir  sifatida  yaxshiroq  bilamiz.  Ammo  shoirlik  uning  asosiy  faoliyati 

bo’lmagan.  U  o’zining  matematika,  astronomiya  va  tabiiy  fanlar  sohasida  olib 

borgan  ilmiy  izlanishlarini  mohirlik  bilan  falsafiy  ruboiylar  (to’rtliklar)  tarzida 

ifodalangan. Ushbu to’rtliklarga e’tibor beraylik:                

Endi  Umar  Xayyomning  fizika  sohasida  olib  borgan  ilmiy  izlanishlariga 

to’xtalamiz.  U  Beruniyning  moddalarning  solishtirma  og’irligini  aniqlash  usulini 

takomillashtirib,  gidrostatik  tortish  usuli  yordamida  aralashmali  qotishmalar 

tarkibini  aniqlashning  tajriba  va  matematik  usullarini  yaratdi.  U  o’zining  «Aql 

 

 

tarozisi» asarida oltin va kumushdan tashkil topgan qotishmadagi oltin va kumush 

miqdorining proporsiya va algebraik usulini bayon qildi.  

Abu  Rayhon  Muhammad  ibn  Ahmad  Beruniyning  152  ta  asari  ma’lum, 

shundan 32 tasi bizgacha yetib kelgan. Jami asarlarining 70 tasi astronomiyaga, 20 

tasi matematikaga, 12 tasi geografiya va geodeziyaga, 4 tasi minerologiyaga, 1 tasi 

fizikaga, 1 tasi dorishunoslikka, 15 tasi tarix va etnografiyaga, 4 tasi falsafaga, 18 

tasi  adabiyotga  bag’ishlangan.  U  50  yoshida  eron,  fors,  arab,  yahudiy  va  yunon 

tillarini mukammal bilgan.  

 

Beruniy  astronomiyaga  doir  asarlari  bilan    geliosentrik  nazariyani  olg’a 

suradi.  Ekliptikaning  og’maligini  aniqlab,  bir  yilda  52  sekundga  kamayishini 

(hozirgi  natija  47  sek.)  aniqladi.  U  kvadrant  astralyabiga  o’xshash  asboblar  ixtiro 

qiladi. Yer aylanasi 40000 km ekanligini topadi. O’z asarlarida Yerni shar shaklida 

ekanligini e’tirof etib, Yer sharining bizga teskari tomonida ham materiklar mavjud 

ekanligini isbotlab, Kolumbdan bir necha yuz yil oldin Amerika qit’asini mantiqiy 

ravishda ochadi. 1048 yilda «Minerologiya» asarini yaratadi, bu asari ikki qismdan 

iborat  bo’lib,  1-  qism  36  bobni  o’z  ichiga  olib,  u  qimmatbaho  toshlarga 

bag’ishlangan. 2- qismi 12 bobdan iborat bo’lib, metallarga bag’ishlangan. Beruniy 

fizikaning  mexanika,  akustika,  issiqlik,  yorug’lik,  elektr  va  magnetizm 

masalalariga doir fikrlarni olg’a suradi. Materiya, o’lchov birliklari, tezlik, chiziqli 

va  burchak  tezlik,  og’irlik  va  solishtirma  og’irlik,  tutash  idishlar,  vodoprovod, 

buloqlar,  fontan,  artezian  quduqlari,  bo’shliq,  atmosfera  bosimi,  konveksiya, 

suyuqlik  zarrachalari  orasidagi  tortishish  kuchi,  inersiya,  erkin  tushish  hodisalari, 

oddiy  mexanizmlar  g’oyasini  boyitadi.  U  yorug’likni  moddiy  zarrachalar  dastasi 

deb  qaraydi.  Yorug’lik  tezligini  tovush  tezligi  bilan  taqqoslaydi.  Yorug’likning 

qaytishi va sinishi, ranglarga bo’linishini tushuntirishga urinadi. Elektron so’zining 

sharqda  atalishi  «kahrabo»  so’zining  ma’nosini  tushuntiradi.  «Kah»  —  somon, 

«rubo»  - o’g’irlamoq (tortib  olish)  degan ma’noni anglatadi,  ya’ni qahrabo junga 

ishqalanganda  yengil  (somon)  parchalarini  tortishi  sababli  shunday  deb 

nomlangan.