O‘zbekiston respublikasi oliy va o‘rta maxsus ta’lim vazirligi o‘zbekiston respublikasi qishloq xo‘jaligi vazirligi toshkent davlat agrar universiteti

9. Debitorlik va kreditorlik majburiyatlarini hisobdan chiqarish muddati 
to‘g‘ri berilgan javobni ko‘rsating? 
A) 5 yil 
B) 4 yil 
C) 3 yil 
D) 2 yil 
10. Hisob-kitob schotiga xaridorlardan pul kelib tushganda qanday 
buxgalteriya yozuvi tuziladi? 
A) D-t 110 K-t 152 
B) D-t 152 K-t 100 
C) D-t 110 K-t 150 
D) D-t 101 K-t 152 

---

121 
XI BOB. XODIMLAR BILAN HISOB-KITOBLAR HISOBI 
 
Mavzuning maqsadi: o‘rmon xo‘jaligi tashkilotlarida xodimlar bilan hisob-
kitoblar hisobining ahamiyati, xodimlar bilan hisob-kitob ishlarida dastlabki 
hujjatlashtirish tartibi, xodimlar bilan hisob-kitoblarda ish haqi hisoblash 
shakllari, xodimlar bilan hisob-kitoblarning analitik hisobi, xodimlar bilan hisob-
kitoblarda ushlanmalar hisobi, ularni hujjatlashtirish tartibi, xo‘jalikda ishchi 
xodimlarning turkumlanishi hamda ish haqi hisoblash bo‘yicha tasavvur va 
bilimga ega bo‘lish, ko‘nikma va malaka shakllantirish 
 
Tayanch tushunchalar va iboralar: 
 
Mehnat va ish haqi hisobi - hisob ishlarining aniq va operativ ma’lumotlar 
talab qiluvchi eng muhim hamda qiyin sohalaridan biridir. Unda xodimlar sonining 
o‘zgarishi, ish vaqtining sarflanishi, mehnatga haq to‘lash fondi, to‘lov turlari va 
xodimlar toifasi bo‘yicha hamda mehnatga haq to‘lash fondidan tashqari amalga 
oshiriladigan boshqa to‘lovlar, korxonaning har bir xodimi bilan hisob-kitoblar aks 
ettiriladi. Bu ma’lumotlar asosida mehnat unumdorligi mehnat resurslaridan 
foydalanish, xodimlar soni, ish haqi fondining sarflanishi va boshqalar bo‘yicha 
reja topshiriqlarining bajarilishi ustidan nazorat ana shu ma’lumotlar asosida 
amalga oshiriladi.