141
XIII BOB. BUDJETDAN TASHQARI MABLAG‘LAR BO‘YICHA JORIY
YILGA MOLIYAVIY NATIJALAR HISOBI
Mavzuning maqsadi: Budjetdan tashqari mablag‘lar bo‘yicha moliyaviy
natijalar hisobining mohiyati, Budjet tashkilotlarini rivojlantirish jamg‘armasi
mablag‘lari bo‘yicha joriy yilga moliyaviy natijalarni shakllantirishning
ahamiyati, boshqa daromadlar bo‘yicha joriy yilga moliyaviy natijalarni
shakllantirishning o‘ziga xos xususiyatlari, ularning ishlatilishi ustidan olib
boriladigan nazorat ishlarining ta’minlanganligi, Budjetdan tashqari mablag‘lar
bo‘yicha moliyaviy natijalarni shakllantirishning analitik hisobi, ularni o‘ziga
tegishli hisob registrlarida hujjatlashtirish tartibi bo‘yicha tasavvur va bilimga
ega bo‘lish, ko‘nikma va malaka shakllantirish
Tayanch tushunchalar va iboralar:
Budjet tashkilotlarining Budjetdan tashqari jamg‘armalari — qonun
hujjatlarida nazarda tutilgan manbalar hisobidan Budjet tashkiloti tasarrufiga kelib
tushadigan mablag‘lar.
Budjet tashkilotlari tomonidan tejab qolingan Budjet mablag‘larini
Budjet
tashkilotini rivojlantirish jamg‘armasiga o‘tkazish Davlat Budjetining g‘azna ijrosi
qoidalariga muvofiq amalga oshiriladi.
Quyidagi hollarda bo‘shab qolgan mablag‘lar tejab qolingan
hisoblanmaydi va tegishli Budjetga qaytarilishi yoki tegishli Budjetda qolishi
kerak:
-
Budjet tashkilotining faoliyati vaqtincha to‘xtatilganda, to‘xtatilish davriga;
-
xarajatlar smetasida nazarda tutilgan ortiqcha mablag‘lar aniqlanganda;
-
tashkilotlar (bo‘linmalar, guruhlar, sinflar va h.k.) o‘z faoliyatini belgilangan
muddatdan kechroq boshlaganida;
-
tegishli moliya yili uchun rejalashtirilganidan
kamroq miqdorda kontingent
(tarbiyalanuvchilar, o‘quvchilar, tinglovchilar va h.k.) qabul qilinganda;
-
tasdiqlangan shtatlar jadvalida nazarda tutilgan birliklar to‘ldirilmaganda;
