Oʻzbekiston respublikasi oliy va oʻrta maxsus taʼlim vazirligi toshkent kimyo-texnologiya instituti

Makaron mahsulotlari
M
akaron mahsulotlari – bu xamirdan tayyorlanib, zarur shakl berilgan va shundan keyin quritilgan mahsulotdir. Bu mahsulotlar turlarga (naysimon, tasmasimon, ipsimon, shakldor), kichik turlar va klasslarga boʻlinadi.



Assortimentni koʻrsatuvchi asosiy identifikatsiyalash belgilari boʻlib shakl, rang va oʻlchamlar xizmat qiladi (diametr – naysimon mahsulotlarda, kenglik – tasmasimon mahsulotlarda, uzunlik – makaronning kichik turlarida, ugra va vermishelda). Mazkur koʻrsatkichlar ishlab chiqarish sharoitida zarur parametrlarda shakllantiriladi, shu sababli ularni qalbakilashtirshining maʼnosi yoʻq, chunki bundan ishlab chiqaruvchi ham, sotuvchi ham foyda koʻrmaydi. Buning ustiga juda kam amaliy tajribaga ega boʻlgan isteʼmolchi ham makaron mahsulotlarining turlari va kichik turlarini osongina identifikatsiyalaydi.
Kvalimetrik identifikatsiyaning identifikatsiyalovchi belgilaridan sifat gradatsiyalarini, asosan standart va nostandart mahsulotning sifat gradatsiyalarini, birinchi gradatsiyada esa – guruhlar (A, B, V) hamda sifat klasslarini (1-klass va 2-klass) aniqlash uchun foydalaniladi. Sifat klassini aniqlash uchun mahsulotning singan joyidagi rang va koʻrinish, mahsulot qaynatilgan suvning tiniqligi va mahsulotning qaynatilgandan keyingi holati amaliy ahamiyatga ega. Makaron mahsulotlarining guruhi hamda sifat klassi unning turi va naviga bogʻliq boʻladi.
“Makiz” makaron mahsulotlarining oʻralishi materialning sifati va bezagi boʻyicha jahon standartlariga mos boʻlib, eng yaxshi chet el namunalaridan qolishmaydi. Tortib sotishdan voz kechilib, ekologik toza materiallarga 100% qadoqlashga oʻtilganligi tashish, saqlash va sotishning hamma bosqichlarida mahsulotning saqlanishini taʼminlash imkonini bermoqda.
“Makiz” OAJ injiq xaridorning koʻnglini topishga va mahsulotga har xil taʼm berishga harakat qilib, ekologik toza natural qoʻshimchalarni – tuxum, sabzavot va shu kabilarni ishlatmoqda. Masalan, makaron mahsulotlarining “Yaichniye” (“Tuxumli”) degan navi ishlab chiqarilmoqda. Shakllarning xilma-xilligini va yaqqol bilinib turgan tuxum taʼmini shinavandalar munosib baholaydilar.