O‘zbekiston respublikasi oliy va o‘rta maxsus ta’lim vazirligi urganch davlat universiteti sharifzoda sardorbek o‘rozboy tabib o‘G‘li umumiy pedagogika

Tizim (mustakil tushuncha sifatida) - o‘zaro boglangan ko‘plab elementlar (tarkibiy kismlar) o‘rtasidagi mustahkam birlik va o‘zaro yaxlitlik.
Ta’lim tizimi – davlat siyosatining asosiy tamoyillari asosida yosh avlodga ta’lim-tarbiya berish yo‘lida faoliyat yurituvchi barcha turdagi ta’lim muassasalari majmui.
Ta’lim va tarbiya mazmuni – shaxsning aqliy va jismoniy qobiliyatini har tomonlama rivojlantirish, dunyoqarashi, odobi, xulqi, ijtimoiy hayot va mehnatga tayyorlik darajasini shakllantirish jarayonining mohiyati.⁸²
1.O‘zbekiston Respublikasining “Ta’lim to‘g‘risida”gi Qonuni
Amaldagi O‘zbekiston Respublikasining “Ta’lim to‘g‘risida”gi Qonuni,
2020-yil 23-sentabr kuni tasdiqlangan bo‘lib 11 bob ,75 moddadan iboratdir.
Unda uzluksiz ta’lim tizimining mohiyati, yo‘nalishlari, ta’lim mazmuni, ta’limning huquqiy asoslari batafsil ochib berilgan. Mazkur me’yoriy hujjat mazmuni quyidagilar ifodasini topgan:

1. 
   umumiy qoidalar;
   
2. 
   ta’lim tizimi, turlari va shakllari;
   
3. 
   ta’lim tizimini boshqarish;
   
4. 
   ta’lim faoliyatini tashkil etish va uning nazoratini amalga oshirish ;
   
5. 
   ta’lim tashkilotlari pedagog xodimlarining huquqiy maqomi;
   
6. 
   ta’lim oluvchilarning, ular ota-onasining hamda boshqa qonuniy vakillarining huquq va majburiyatlari ;
   
7. 
   ta’lim-tarbiya jarayoni ishtirokchilarini ijtimoiy himoya qilish;
   
8. 
   nodavlat ta’lim tashkilotlari faoliyatini litsenziyalash, ta’lim tashkilotlarini attestatsiyadan va davlat akkreditatsiyasidan o‘tkazish. Xorijiy davlatda olingan ta’lim to‘g‘risidagi hujjatni tan olish, ta’lim sohasidagi hujjatlarga apostil qo‘yish;
   
9. 
   ta’limni moliyalashtirish va davlat tomonidan qo‘llab-quvvatlash ;
   
10. 
    ta’lim sohasidagi xalqaro hamkorlik;
    
11. 
    yakunlovchi qoidalar;⁸³
    

O‘zbekiston Respublikasining “Ta’lim to‘g‘risida”gi Qonunida alohida urg‘u berilganidek, ta’limni tashkil etishning asosiy maqsadi ta’lim sohasidagi munosabatlarni tartibga solishdan iborat.