O’zbekiston respublikasi oliy va o’rta maxsus ta’limi vazirligi abdulla qodiriy nomidagi jizzax davlat pedagogika instituti sirtqi (maxsus sirtqi) bo’lim

O’ZBEKISTON RESPUBLIKASI OLIY VA O’RTA
MAXSUS TA’LIMI VAZIRLIGI


ABDULLA QODIRIY NOMIDAGI JIZZAX DAVLAT PEDAGOGIKA INSTITUTI
SIRTQI (MAXSUS SIRTQI) BO’LIM

“MATEMATIKA VA INFORMATIKA” TA’LIM YO’NALISHI

S0601-21 GURUH TALABASI ASADULLAYEV ABDUTOLIBNING
MATEMATIK ANALIZ FANIDAN
KURS ISHI
MAVZU: SONLAR TO‘PLAMINING ANIQ CHEGARALARI. ANIQ CHEGARANING MAVJUDLIGI.
BAJARDI: _________________________________________


ILMIY RAHBAR: _________________________________________
JIZZAX 2022
MUNDARIJA:
Kirish……………………………………………………………………..….3
I Bob. Haqiqiy sonlar toplami tushunchasi……………………………......5

1. 
   To’plam tushunchasi…….…………………………………….………...5
   
2. 
   To’plamlar ustida amallar ………………………………………...…….9
   

I I Bob. Sonli to’plamlar………………………………………...………...11
2.1 Sonli to’plamning aniq chegarasi……………........................................11
2.2 Aniq chegaraning mavjudligi …………………..…….…...……………14
Xulosa………………………………………………………………..……..17
Foydalanilgan adabiyotlar…………………………………...……………18
Ilova……………………………………………………………………..….19

KIRISH
Jahonda va mamlakatimizda ro’y berayotgan o’zgarishlar, yangilanishlar va chuqur ijtimoiy-iqtisodiy jarayonlarga nisbatan yoshlarimizni, talabalarimizni o’zlarining har tomonlama asoslangan, ob’ektiv, real nuqtai-nazarlari hamda qarashlarining to’g’ri asosda ishlab chiqilishiga yonaltirish ham juda muhim masalalardan biridir. Bu o’rinda birinchi prezidentimiz I.A.Karimovning “... yosh avlodimizning qalbi va ongini asrash, ularni milliy va umumbashariy qadriyatlar ruhida tarbiyalash, farzandlarimizning dunyoda ro’y berayotgan siyosiy jarayonlarning ma’no-mazmuni va asl sabablarini chuqur anglashi, o’z atrofida sodir bo’layotgan voqealar haqida haqqoniy ma’lumotlarga, eng muhimi, o’z mustaqil fikriga ega, sodda qilib aytganda, oqni qoradan ajratishga qodir bo’lishiga erishish ta’lim-tarbiya va ma’naviy-ma’rifiy ishlarimizning asosiy sharti va mezoni bo’lishi darkor” ¹degan ko’rsatmalari bugungi kunda muhim ahamiyat kasb etmoqda.
Kadrlar tayyorlash milliy dasturini ro‘yobga chiqarishning uchinchi bosqichi - “to‘plangan tajribalarni tahlil etish va umumlashtirish asosida mamlakatni ijtimoiy-iqtisodiy rivojlantirish istiqbollariga muvofiq kadrdar tayyorlash tizimini takomillashtirish va rivojlantirish”– bosqichida o‘quv-tarbiya jarayonini yangi o‘quv-uslubiy majmualar, ilg‘or pedagogik texnologiyalar bilan to‘liq ta’minlash vazifalari belgilangan bir davrda bu texnologiyalarning konseptual asosini tashkil etuvchi nazariyalarni tadqiq etish, olingan natijalarni amaliyotga tatbiq etish yo‘llarini ishlab chiqish muhim masala hisoblanadi.
So‘ngi yillarda respublikamiz pedagogika ilmida turli yo‘nalishlar bo‘yicha o‘quv-tarbiyaviy jarayonni texnologiyalashtirish masalalarini hal etish bo‘yicha ilg‘or tajribalar to‘plandi Bu jarayonda yutuqlar ham, yo‘l qo‘yilgan kamchiliklar ham mavjud². Kop‘chilik texnologiyalar an’anaviy o‘qitish metodikasining kamchiliklaridan holi emas. Ma’lumki, tashxislanuvchi maqsad qo’yish pedagogik texnologiyaning asosiy protseduralaridan biridir. Maqsad bu har qanday texnologiyaning ishlashining va o’quv jarayonini boshqarish asosidir. Maqsad qo’yish jarayoni o’quv axborotini o’zlashtirishning talab etilgan sifatini bir qiymatli berishni talab qiladi. Ammo matematika fanlaridan yaratilgan o’quv metodik majmualarda taklif etilayotgan texnologiyalarda maqsad qo’yish masalasi an’anaviy ta’limdagi maqsadlardan farq qilmaydi. Qo’yilgan maqsadga erishilganlikni aniqlaydigan etolonlar berilgan emas. Natijada o’quv natijalarini nazorat qilish va baholash vositalari maqsadga aynan mosligini ta’minlab bo’lmaydi. Tanlangan innovatsion metodlar maqsadni aniqlashtirilmaganligi sababli kam samara beradi.
Yuqorida aytilgan kamchiliklarni bartaraf etish yo’llarini Matematik analiz fanining “Haqiqiy sonlar to’plami” mavzusi doirasida tadqiq etish bitiruv ishining maqsadi hisoblanadi.