O'zbekiston respublikasi profi universitety

bilish (sezgi, idrok, tafakkur, xotira va 
hayol), hissiy-emotsional va irodaviy 
jarayonlarga farqlanadi. Odamning butun 
psixik faoliyati - shu: bilish, irodaviy va 
emotsional jarayonlarning majmuidir. 
Psixik holat - bu psixik fao-
liyatning vaqtinchalik o'ziga xosligi 
bo'lib, u shu holatning mazmuni va 
odamning shu mazmunga nisbatan 
bo'lgan munosabati bilan belgilanadi.
Psixik holatlar, odamning voqelik bilan o'zaro munosabatda bo'lishida 
namoyon bo'ladigan barcha psixik ifodalanishning nisbatan qat'iy integratsiyasi 
hisoblanadi. Psixik holatlar psixikaning umumiy tashkiliyligida namoyon bo'ladi. 
Psixik holat - odamni uning faoliyat sharoitlari va shaxsiy 
xususiyatlariga bog'liq holda namoyon bo'ladigan psixik faolligining umumiy 
funktsional darajasidir. 
Psixik holatlar qisqa muddatli, vaziyatli, turg'un va shaxsiy bo'lishi 
mumkin. 
Barcha psixik holatlar to'rt turga bo'linadi: 
1. Motivatsion (istak, xohish, intilish, qiziqish, ishtiyoq, shavq). 
2. Emotsional (sezgilarning emotsional ohangi (toni), voqelikdagi 
hodisalarga hissiy munosabat bildirish (hissiy munosabatda bo'lish), kayfiyat, 
nizoli emotsional holatlar - stress, affekt, frustratsiya). 
3. Irodaviy holatlar - tashabbuskorlik, maqsadga intiluvchanlik, qat'iylik 
(ularning klassifikatsiyasi murakkab irodaviy xatti-harakat tuzilishi bilan bog'liq). 
4. Ongni tashkiliyligining turli darajalari, holati (ular diqqat 
e'tiborlilikning turli darajalarida namoyon bo'ladi).
Shaxsning individual-psixologik xususiyatlari - mazkur odam uchun, 
shaxs uchun xos bo'lgan, uni psixikasining xususiyatlaridir. 
Shaxsning psixik xususiyatlariga quyidagilar kiradi: 
1) 
yo'nalganlik; 2) temperament; 3) xarakter va 4) qobiliyatlar. 
Shaxs - ijtimoiy munosabatlarga kirisha oladigan, individ sifatida - biologik 
turning alohida vakili “homo sapiens” (yangi tug'ilgan chaqaloq shunday 
hisoblanadi) bo'lmish, odamning ijtimoiy sifati hisoblanadi. 
Har bir shaxs psixik xususiyatlarning takrorlanmas mujassamligiga - psixik 
tuzilishga ega bo'ladi. Bu esa uning individualligini tashkil qiladi.