O‘zbekiston respublikasi sog‘liqni saqlash vazirligi toshkent farmatsevtika instituti

2-bob. Yo‘q qilish usullari 
9.  Suyuq  dori  shakllari  (ampulalardagi  in’eksiya  qilish  uchun  eritmalar,  paketlar  va 
flakonlardagi,  aerozol  ballonlardagi  eritmalar,  miksturalar,  tomchilar)  sindirib  (ezilib), (aerozol 
ballonlar  oldindan  teshib  qo‘yiladi)  hamda  suv  bilan  kamida  1:100  nisbatda  suyultirilib,  hosil 
bo‘lgan eritma kanalizatsiya tizimiga to‘kiladi. 
Bo‘shagan  ampulalar,  aerozol  ballonlar,  paketlar  va  flakon  qoldiqlari  konteynerlarga 
joylashtiriladi va chiqindilarni utilizatsiya qilish talablariga muvofiq yo‘q qilinadi. 
10. Tarkibida suvda eriydigan moddalar bo‘lgan qattiq dori shakllari (kukunlar, tabletkalar, 
kapsulalar)  maydalanib  kukun  holiga  kelgunga  qadar  eziladi,  suv  bilan  kamida  1:100  nisbatda 
suyultirilib, hosil bo‘lgan suspenziya (yoki eritma) kanalizatsiya tarmog‘iga to‘kiladi. 
11.  Tarkibida  suvda  erimaydigan  moddalar  bo‘lgan  qattiq  dori  shakllari  (kukunlar, 
tabletkalar,  kapsulalar),  yumshoq  dori  shakllari  (maz,  suppozitoriylar),  dori  vositalarining 
transdermal  shakllari,  shuningdek  substansiyalar  faolsizlantirilib,  maxsus  konteynerlarga 
joylashtiriladi va chiqindilarni joylashtirish uchun maxsus ajratilgan joyga tashlanadi.  
12. Tarkibida tirik organizmlar (tibbiy immunobiologik preparatlar) mavjud dori vositalari 
avval dezinfeksiyalovchi vositalar yordamida faolsizlantirilib, yuqori bosim hamda harorat ta’sirida 
ularning  hujayralari  parchalanadi  va  chiqindilarni  joylashtirish  uchun  maxsus  ajratilgan  joyga 
tashlanadi. 
13. Tibbiy buyumlar ularning fizik va kimyoviy xususiyatlarini hisobga olgan holda yo‘q 
qilinadi. 
14. Tarkibida radioaktiv elementlar mavjud bo‘lgan dori vositalari va tibbiy buyumlar atrof 
muhitga  bezararligi  to‘g‘risida  tegishli  komissiya  xulosasi  olingandan  keyin,  mazkur  Nizom  bilan 
tashkil  etiladigan  va  unda  nazarda  tutilgan  tartibda  tasdiqlanadigan  Komissiya  tomonidan  ularni 
yo‘q qilish masalasi ko‘rib chiqiladi.